5 माम्चु़नीकु सिजेमका “गुइलाई ख्लो़मु माम्चु़नीका उनी पेल थु़र्मिडी। गुमीका गुइ माम्चु़नीडाम फ्वासिडिनु़ र्वाक्पा न मेबोमी” र्वाक्पा गानी हाम होङङा वो मेलु़नी?
माम्चु़नीकु सो़रनेम गोडा ङाटामिम हेसाका दु़म मा? हेल्लो वो मेसिपा माम्चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्वाम्डिम बु: “गो मेर्मिमकाडा बुङु, मेर्मिम गोडा लाम्दिङु, मा गो मेर्मिमकु माम्चु़नी दु़म्ङु, मेम्मा मेर्मिम आमा मु़चु़ दु़म्मी।”
इनी मिरो़म माम्चु़नी पेलकु सो़रनेम सो़, मेराम पेल गानीगोडा बुमी, मेराम माम्चु़नीलाम ल्वान्निम र्वाक्पा हाम गानी मेचनी? गानी इनी त्वाप ने इनी त्वाकामङा मेएँ।
कोबिलि गुइ वो नेप्ची मान्थिम नुङ र्वाकिमिम मेथो़पा बाइडी। लु-फेले बेला सो़सिक्पा, मेजो़पा नकाम नुङ नसीहोम बिइबाल्ली। नो़ मेनु़पा, नाचु़रनुङमा, मेद्वाला सो़सिक्पा, मा मेद्वाबेपा बाइडी।
माम्चु़नीका वाङसामामिमलाई थो़रलु़सीलामका जो़पा न-गोकाम र्वाक्पा मिम्मिडिम बु र्वाक्साका माम्चु़नीकु सिजेमडा ङादोङा र्याक्मा बाइडा। मेम्मिमका अब्राहामलाई, “गानालामकाङा सुबुडा बाट्पा खोत्ले सामाडाम मु़चु़मिमका जि ल्वामी” र्वाक्साका आरेप्माम जो़पा-सेला ङादोङा थो़बेट्मा बाइडा।
“मेर्मिमगोडाम कोले योसेफ बाइडा। योसेफकु वामिमकाम उनी नो़ मेनु़यावामका योसेफलाई मिश्र नेब्दीडा भ्रेट्मिडी। लावो माम्चु़नी योसेफनुङ बाम्डी।
माम्चु़नीकु सिजेमका र्वाक्ताम ल्वा हेल्लो लोवो आच्छाङा बु र्वाक्पा गुइ च। उनी सिजेम ग्वाक्मा मु़चु़मिमलाई माम्चु़नीका नो़पमिम र्वामी।
मेम्मिमकाङा मेर्मिम खोत्ले मेजो़पा खारी नुङ मेजो़पा नका देम्मिडिम बु। मेर्मिमका रारी बोमी, घ्राम्मी, नाचु़र बोमी, वाङमिलाई सेन्मी, क्वाल्बा बोमी, लु-फेले बोमी, लिमा थेन्मी, कोलेका कोङमीलाई ल्वा सिल्मी,
माम्चु़नीकु सिजेमडा मिश्रडाम फारो हपकु दुथाम आरेसाका र्वाक्मा बु, “आमा यु़म गानालाम रेम्बेसाका सुबुडा खोत्लेथो़ आमा नङ सो़मिनु़ र्वाक्पा नका गो गानालाई हप दु़म्बेट्निम बु।”
आथावो माम्चु़नीकु सिजेमका र्वा, “उहेमलाई जातेका सुम्डी, मेरामलाई मेर्मिमका रेम्मी।”
माम्चु़नीकु सिजेमका जो़होमका र्वाक्ताम बु, दाऊद हप गस्ताम देल बेथलेहेमडा, दाऊद हपकु चो़-चु़सु़मिमलामका ख्रीष्ट गमी।”