याकूब 4:11 - थुलुङ राई

¹¹ वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।

याकूब 4:11 Referans Kwoze

१ पत्रुस 2:1

मेम्‍मिमका खोत्‍ले मेजो़पा ल्‍वा, लिमा जेसी, मिनी मिक्‍सीलामडा जो़पा बेपा लिसिसी, नाचु़र नुङ डक्‍साका जेपा जेसीमिम पार्नी।

रोमी 2:1

मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।

याकूब 5:9

वा-ल्‍वाकनी, कोलेका वाङमिमकु दुथाम सु़म्‍बुर्मा किट्‌नी माला गानी मुमा बेन्‍ला सो़न्‍सिनी। रेप्‍नी, निया बेपा ङाचो़ येशू ख्रीष्‍ट लाम्‍चोकोडा रोम्‍फाम्‍डिम होङङा गुमी ने योमुङा खाप्‍मिमिम बु सो़।

लूका 6:37

“सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

एफिसी 4:31

मेभ्रसिक्‍पा, गो-गो छोक्‍चो बेपा, छोक्‍चोका येत्तो फपा, क्‍वाल्‍बा बेपा, मु़चु़लाई डक्‍साका जेपा, वाङमिमलाई मेजो़पा बेपा खोत्‍ले बादु़खाम ङेट्‌नी।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

२ तिमोथी 3:3

रिखाम मान्‍थिम, पाचो ग्‍वामु मेबिसिक्‍पा, वाङमिमलाई डक्‍साका जेपा, त्‍वापलाई जो़होमका मेजु़ल्‍पा, न-थो़म मान्‍थिम, जो़पा ल्‍वा मेद्‌वाक्‍पा,

१ तिमोथी 3:11

मेम्‍साकाङा मेसेममिम वो खोत्‍लेका जो़पा मिम्‍मु घ्रेट्‌पा, ओन्‍चो़मा मेबेट्‌पा, खोत्‍लेडा इम्‍सिक्‍पा, मा वाङमिमका गुडला थो़र लु़मिमिम दु़म्‍मु बासी।

रोमी 7:7

मेम माला गुइ हाम र्‍वामु? हाम डु़म्‍लाका ङा छु़ल रेड्‍डु़म मा? मेम ने मेएँ, डु़म्‍लाका ने आमा छु़लमिम रेम्‍बु़डु़। हेङालोने डु़म्‍लाका, “गानी रारी बेसी मेनु़” र्‍वाक्‍साका मेसो़यु़वाम माला ने रारी बोमु जो़पा ल्‍वा मेएँ र्‍वाक्‍साका गो मेचक्‍पुवा ङा।

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

तीतस 2:3

मेम्‍साकाङा ङामी मेसेममिमका वो उनी थो़रलु़सीलाई घ्रेट्‌पा सेपा बासी-दोसी बोमु सीडामी। वाङमिमलाई डक्‍साका जेपा, मा छो़म डु़ डुपा मेदु़म्‍मिनु़। मेम मेबेसाका मेर्मिमका वाङमिमलाई जो़पा ल्‍वा सीमिनु़।

याकूब 1:16

द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।

याकूब 2:8

माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

याकूब 5:7

मेम्‍मिमका वा-ल्‍वाकनी, ङाचो़ येशू मेयोक्‍थु़मसम्‍म इम्‍सिक्‍साका बानी। रेप्‍नी, हेसाका मा-के सिन्‍बेट्‌पा खारीचो़का वो उमा येडाम हापा नु़पा मा-के ल्‍वामु लागि मा-के ख्‍लिमु ङादो नुङ मेराम मा-केकु बुङदो ङादो व योक्‍पा थारी उ पाउ मेसोसाका छो़म लथाडु़।

याकूब 5:10

वा-ल्‍वाकनी, माम्‍चु़नीकु सिजेम थो़बेट्‌पा माम्‍चु़नीलाम-जेपा मु़चु़मिमलाई मिम्‍नी, मा मेर्मिमका दु़खा इम्‍साका बाम्‍डिम होम्‍साकाङा गानी वो बानी।