याकूब 3:9 - थुलुङ राई

⁹ ओराम लेमकाङा ङाचो़ नुङ माम्‍चु़नीकु नङ कोक्‍सी, मा ओराम लेमकाङा माम्‍चु़नीका उनी त्‍वाप होप्‍मामङा प्रङ्‌मिडिम मु़चु़मिमलाई वाइतो बेडिमी।

याकूब 3:9 Referans Kwoze

थु़र्मा 2:26

मेम्‍मिमका आमा न गेर्सिक्‍पा बु, आमा लेम थो़र्सी द्‌वाक्‍ता, आमा मिरो़म वो गुमीडा ङा बु।

१ कोरिन्थी 11:7

वोस्‍चो़का उ बुइ मेख्रेप्‍नु़ हेङालोने गु माम्‍चु़नीकु ङाली सो़ मा उमाडा माम्‍चु़नीकु यु़म झ्‍वाक्‍सी रेम्‍बेसी। लावो मेसेमडा ने वोस्‍चो़कु यु़म झ्‍वाक्‍सी रेम्‍बेसी।

रोमी 3:14

“मेर्मिमकु सिलामका वाइतो नुङ मेजो़पा ल्‍वा कोङङा लुहोम बु।”

मत्ती 26:74

मेम्‍मा पत्रुसका उ त्‍वापलाईङा वाइतो बेन्‍सिक्‍तो र्‍वाक्‍ता, “मेराम मु़चु़लाई गो मेछेमु।” मेकोतिलोङा स्‍वारेपो ओक्‍ल्‍याड्‌डा।

मत्ती 5:44

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

याकूब 3:10

कोले सिलामकाङा नङ कोमु नुङ वाइतो बेन्‍मु ल्‍वा लु? आमा वा-ल्‍वाकनी, आरेप्‍माम ने दु़म्‍सिमेनु़।