याकूब 3:17 - थुलुङ राई

¹⁷ लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

याकूब 3:17 Referans Kwoze

याकूब 3:15

आरेप्‍माम नेप्‍ची ने पाह्रीलामका योक्‍पा मेएँ। लावो माम्‍चु़नीकु कोर्थो़लाम बक्‍पा शैतानलाम, सु़म्‍दिसेरलाम नुङ छु़लचो़मिमलाम रो।

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

मत्ती 5:8

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

लूका 6:36

इकीमा माम्‍चु़नी छो़म न-थो़मनुङमा बुमी, मा गानी वो मेप्‍माम न-थो़मनुङमा ङा दु़म्‍नी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

२ तिमोथी 2:24

माम्‍चु़नीकु डु़ल्‍चो़का रिबुसी किसि मेनु़, लावो खोत्‍लेनुङ दु़पा, सीमुचापा, इम्‍सिक्‍पा,

१ पत्रुस 2:1

मेम्‍मिमका खोत्‍ले मेजो़पा ल्‍वा, लिमा जेसी, मिनी मिक्‍सीलामडा जो़पा बेपा लिसिसी, नाचु़र नुङ डक्‍साका जेपा जेसीमिम पार्नी।

याकूब 2:4

हाम गानी इनी त्‍वाप-त्‍वापगोडाङा चोमिक्‍सी बेसाका मेजो़पा नका निया बेपा मेदु़म्‍निवा मा?

हिब्रू 12:11

सीसि-चेसीकु थारी भ्रपा मेदु़म, थो़मबोक पिपा दु़खा दु़म। लावो चङडा, ओरामलाम सीसिक्‍पा-चेसिक्‍पामिमलाई ओरामका न-गो भ्रसिबेडु़ मा जो़पा बेसी-दोसी बेबेडु़।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

रोमी 15:14

आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

याकूब 4:8

माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

थु़र्मा 11:24

बारनाबास कोङ जो़पा मु़चु़ बाइडा। गु माम्‍चु़नी-पेलका लु़न्‍सिट्‌पा नुङ डोक्‍पु थो़रनुङमा मु़चु़ बाइडा, मा गुका सेर्पा मु़चु़मिमलाई माम्‍चु़नीडा रेड्‌डु़मी।

मत्ती 23:28

मेम्‍साकाङा गानी वो पाखालामका मु़चु़मिमकु ङादोडा माम्‍चु़नीकु न-गो होप्‍माम रेम्‍बेन्‍सिनी, लावो इनीमा न-गो ने जो़पा लिसिक्‍पा नुङ छु़लमिमका देम्‍पा बु।

१ थेसलोनिकी 2:7

गुकु ख्रीष्‍टकु थु़र्मा दु़म्‍साका वो गानीलाम डोक्‍पु बेला मेसो़सिट्‌कुवा। लावो त्‍वाकु चो़च्‍चो़मिमलाई डु़ल्‍पा माम होङङा गानीगोडा गुकु याक्‍के दु़म्‍तोको।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

थु़र्मा 9:36

योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

तीतस 3:2

मेर्मिमका सु़लाई वो डक्‍साका मेजेमिनु़, मा रिबुसी मेकिन्‍मिनु़। न-थो़मनुङमा दु़म्‍मिनु़, मा याक्‍के दु़म्‍साका खोत्‍ले मु़चु़मिमनुङ जेमिनु़-दोमिनु़।

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

रोमी 12:18

चाम्‍निमिमसम्‍म खोत्‍लेनुङ दु़साका बानी।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

२ कोरिन्‍थी 9:10

फोन्‍मु लागि भ्रल नुङ पोमुथोक माम्‍चु़नीका ग्‍वाक्‍सामी। मेम्‍मा गानी चाहेबोनिमिम खोत्‍ले भ्रल गुमीका ग्‍वानिमी मा ल्याबेन्मी, मा ग्‍वा-ग्‍वा द्‌वाक्‍पा इनीमा न-गोका ग्‍वानिमका इनीमा जो़पा खारी बेसीडा गुमीका बर्बेत्तो लनिमी।

मत्ती 5:9

न-थो़म घ्रो़म्‍बेट्‌पामिम जिनुङमा सो़, हेङालोने मेर्मिम माम्‍चु़नीकु चो़-चु़सु़ र्‍वाला सो़सिमी।

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

२ कोरिन्‍थी 7:11

माम्‍चु़नीकु न होम्‍साका इनीमा न नो़डाम ल्‍वाका गानीगोडा हाम बु़डु़म बु र्‍वाक्‍पा मिम्‍नी। ओराम ल्‍वाका गानीगोडा त्‍वापलाई आच्‍छाङा जो़पा बोमु माल्‍पा हाङकोम इनीमा न, मेम्‍मा हाङकोम छोक्‍चो, हाङकोम ङिम, गोनुङ घ्रो़म्‍मु हाङकोम न, हाङकोम इनी पाउ मेसोक्‍पा, छु़ल बेपालाई देन्‍दे ग्‍वाक्‍पा हाङकोम न रेड्‍डु़म बु। खोत्‍ले ल्‍वाडा गानी इनी त्‍वापलाई हाम वो मेख्‍लो़ट्‌पा रेम्‍बेन्‍निम बु।

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।

१ पत्रुस 2:18

डु़ल्‍चो़नी, इनी नेमहपमिमलाई छो़म डोक्‍पु मिम्‍साका मेर्मिमकु साखामगोडा बानी। जो़पा नुङ न-थो़मनुङमाकाडा कोङङा मेएँ, न-थो़म मान्‍थिमकु साखामगोडा वो बानी।