याकूब 3:14 - थुलुङ राई

¹⁴ इनीमा न-गोडा नाचु़र नुङ त्‍वाप नु़पा ल्‍वा कोङङा बु माला गानी नेप्‍चीनुङमा र्‍वाक्‍साका डोक्‍पु मेलिन्‍सिट्‌नी। आच्‍छाङाकाम ल्‍वा थक्‍साका लिमा थेट्‌पा गानी दु़म्‍नी।

याकूब 3:14 Referans Kwoze

याकूब 3:16

हेङालोने बान्‍ते नाचु़र नुङ मेजो़पा ल्‍वामिम दु़म, मेसिन्‍डा मु़चु़मिम मेदु़मी, मा मेजो़पा खारीमिम बोमी।

१ कोरिन्थी 13:4

रिखाम इम्‍मु चापा नुङ न-थो़मनुङमा दु़म। रिखामका नाचु़र मेबु़, डोक्‍पु मेलिसी, नो़ मेल्‍वाक्‍थाडु़।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

फिलिप्‍पी 1:15

याङयाङका उनी नो़ मेनु़मिमका नुङ रोचु़म-रोचु़मका, लावो वाङमिमका ने जो़पा नका ख्रीष्‍टकु दुथाम थो़बेन्‍मी।

याकूब 5:19

आमा वा-ल्‍वाकनी, गानीगोडाम कोङनिम मु़चु़ माम्‍चु़नीकु आच्‍छाङाकाम सिजेम डिसाका कोर्थो़ ललो मेरामलाई कोङनिमका माम्‍चु़नीडा ख्‍लोकु़ माला,

थु़र्मा 5:17

डोक्‍पु ङाउ डु़म्‍लाचो़ नुङ गुनुङ बाट्‌पा सदुकीमिम उनी नो़ मेनु़यावामका थु़र्मामिमकु कोर्थो़लाम बम्‍डी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ तिमोथी 6:4

मेराम मु़चु़ डोक्‍पु लिसिक्‍पा दु़ममा मेरामका हाम वो मेथेडु़। मेरामका हाम ना हामकु ल्‍वाडा खाल्‍मुमा क्‍वाल्‍बा बोमु मालु़मिम दु़म। ओर्मिम ल्‍वाका नाचु़र, रिबुसी, वाङमिमकु दुथाम मेजो़पा जेपा, मा वाङमिमलाई मुर्पा ल्‍वामिम दु़म्‍बेडु़।

१ कोरिन्थी 5:2

लावो गानी ने इनी त्‍वापङा डोक्‍पु लिन्‍सिनी! गानी ने इनी न नो़मु मेबासावा रे, मेम्‍मा आरेप्‍माम खारी बेपा मु़चु़लाई इनी सामा-घ्रो़म्‍सीलामका ख्‍लुमु मेबासावा?

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

गलाती 6:13

कोक्‍ते खिरिरि क्रिपामिम उनी त्‍वाप वो मोशाकु डु़म्‍ला होम्‍साका मेदोमी। लावो मेर्मिमका इनीमा मिरो़मकु दुथाम डोक्‍पु लिसिमु लागि गानीलाई कोक्‍ते खिरिरि क्रिम्‍बेनिमी।

गलाती 5:26

गुइ कोलेका कोङमीकु छोक्‍चो फक्‍साक्‍पा, डोक्‍पु लिसिक्‍पा मा नाचु़र बेपा दु़म्‍सी मेनु़।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

गलाती 5:15

सो़ब्‍दीडाम हादीबारामिम होङङा गानी इनी त्‍वाप-त्‍वापडा ख्रेन्‍बेबोनी मा ब्राम्‍बेबोनी माला ने चङचङया बानी वो, मेएँ माला ने इनी त्‍वाप-त्‍वापडाङा पुयु़लुबेबोनी।

१ कोरिन्थी 5:6

गानी डोक्‍पु लिन्‍सिनिमिम ने जो़पा मेएँ। कतिकलङ लङखामका ङोल्‍मा फुला खोत्‍लेङा लङखामनुङमा दु़म्‍बेडु़ र्‍वाक्‍पा हाम गानी मेचनी?

रोमी 2:17

लावो गानी गो यहूदी ङा र्‍वाक्‍साका डु़म्‍लाडा थो़रलु़नी मा माम्‍चु़नीलाई छेपु र्‍वाक्‍साका डोक्‍पु लिन्‍सिनी।

रोमी 1:29

मेम्‍मिमकाङा मेर्मिम खोत्‍ले मेजो़पा खारी नुङ मेजो़पा नका देम्‍मिडिम बु। मेर्मिमका रारी बोमी, घ्राम्‍मी, नाचु़र बोमी, वाङमिलाई सेन्‍मी, क्‍वाल्‍बा बोमी, लु-फेले बोमी, लिमा थेन्‍मी, कोलेका कोङमीलाई ल्‍वा सिल्‍मी,

थु़र्मा 26:9

“नासरतडाम येशूडा थो़रलु़पामिमलाई छो़म उनीमा थो़मतेर्सामुमिबासी र्‍वाक्‍पा गो वो मिम्‍तोम बाइडा।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

मत्ती 27:18

हेङालोने ङाउमिम उनी नो़ मेनु़यावामका येशूलाई उमा ल्‍वाड्‌डा ग्‍वाम्‍डिम र्‍वाक्‍पा पिलातसका चडु़म बाइडा।

थु़र्मा 7:9

“मेर्मिमगोडाम कोले योसेफ बाइडा। योसेफकु वामिमकाम उनी नो़ मेनु़यावामका योसेफलाई मिश्र नेब्‍दीडा भ्रेट्‌मिडी। लावो माम्‍चु़नी योसेफनुङ बाम्‍डी।

गलाती 5:20

ङाटा सेव सान्‍मु, होन्मु-जोन्मु, त्‍वाप-त्‍वापगोडा द्‍वा मेबोमु, रिबुसी किन्‍मु, नाचु़र बोमु, छोक्‍चो बोमु, त्‍वाप कोङङा जो़पा दु़म्‍मु माल्‍मु, गो-फ बोमु, त्‍वाप-त्‍वापगोडा न मेघ्रो़म्‍पा मु़चु़मिमडाम फ्‍वाम्‍सिमु,

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।