याकूब 3:13 - थुलुङ राई

¹³ गानीगोडा नेप्‍चीनुङमा नुङ माम्‍चु़नीकु न थेसिथेट्‌पा सु़ बु? मेरामका जो़पा जेसी-दोसी नुङ याक्‍के दु़म्‍साका उमा खारीमिमलाम मेराम नेप्‍ची रेम्‍बु़नु़।

याकूब 3:13 Referans Kwoze

गलाती 5:23

याक्‍के दु़म्‍मु चापा, त्‍वाका त्‍वापलाई जो़होमका जु़ल्‍मु चापा। आरेप्‍माम ल्‍वामिमकु कोर्थो़लाम उहेम वो डु़म्‍ला मिबु।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

मत्ती 5:5

याक्‍के दु़म्‍पामिम जिनुङमा सो़, हेङालोने सुबु मेर्मिमकाम दु़म।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

तीतस 3:2

मेर्मिमका सु़लाई वो डक्‍साका मेजेमिनु़, मा रिबुसी मेकिन्‍मिनु़। न-थो़मनुङमा दु़म्‍मिनु़, मा याक्‍के दु़म्‍साका खोत्‍ले मु़चु़मिमनुङ जेमिनु़-दोमिनु़।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

मत्ती 11:29

आमा जुवा बालामडला कुर्साका गोनुङ लाम्‍दिनी, मा गोनुङ सीन्‍सिट्‌नी। हेङालोने गो न-गोनुङमा नुङ न-थो़मनुङमा बुङु, मा गानी इनी नडा भ्रन्‍सिनी।

याकूब 3:1

वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।

एफिसी 4:2

हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

गलाती 6:4

खोत्‍लेका त्‍वा त्‍वाहोम बासीदोसीलाई त्‍वाकाङा रेप्‍नी। मेम्‍मा जो़पा दु़स्‍ता माला इनीमा त्‍वाकु खारीडा गेर्सी द्‌वाक्‍नी। लावो वाङमिमडाम जो़पा बेउ र्‍वाक्‍साका ने इनी नो़ डोक्‍पु मेबेनी।

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

२ कोरिन्‍थी 8:24

गानी मेर्मिमलाई त्वाकु रिखाम रेम्‍बेनी, मा गुकु हेङा इनीमा दुथाम नो़ डोक्‍पु बोनिमिम रेछा र्‍वाक्‍साका मण्डलीमिमका ल्वामु चाम्मिनु़।

मत्ती 21:5

“सियोनकु जाउमोचो़लाई र्‍वाक्‍नी, रेप्‍डा, इमा हप इमाडा बिक्‍तोङा बोमी, याक्‍के दु़म्‍साका गधाडला हुसाका, गधाकु चो़डलामका हुसाका बिक्‍तोङा बोमी।”

१ पत्रुस 3:4

इनीमा जो़प्‍सी ने न-गोलाममिम दु़म्‍मु बासी। मेराम हेल्‍लो वो मेदाम्‍पा याक्‍के दु़म्‍सी नुङ लिबा बासी सो़। माम्‍चु़नीकु ङादोडा मेराम हापा थिकाम दु़म।

१ कोरिन्थी 6:5

इनी क्रो़म लु़बेन्‍मु लागि गो गानीलाई र्‍वाङु। वा-ल्‍वाककु रिबुसीडा न-थो़म घ्रो़म्‍बेन्‍मु चापा नेप्‍चीनुङमा मु़चु़ गानीगोडा सु़ वो मेबुनी?

मत्ती 7:24

“मेम्मिमका उहेम मु़चु़का आमा सिजेम थो़सु़, मा मेराम होम्‍साका खारी बु़, मेराम मु़चु़ मेदोपा लुङडला नेम बनेबेपा नेप्‍चीनुङमा मु़चु़ होप्‍मामङा सो़।

हिब्रू 13:5

गानी खाप्‍चीकु रारी बोमुडाम वाङ बानी। गानीनुङ हाम बु मेकोतिडाङा गो तिम्‍सिट्‌नी। हेङालोने माम्‍चु़नीका र्‍वाम्‍डिम बु, “गो गानीलाई हेल्‍लो वो मेडिनिनी, गो गानीलाई हेल्‍लो वो मेङेनिनी।”

१ पत्रुस 1:15

लावो गानीलाई येट्‌पा माम्‍चु़नी सेपा बुमिमिम होप्‍माङा गानी वो खोत्‍ले इनी खारी बेसीडा मेजो़पा ल्‍वाडाम वाङ दु़म्‍नी।