याकूब 2:9 - थुलुङ राई

⁹ लावो गानी मु़चु़कु ङाली रेप्‍साका चोमिक्‍सी बेन्‍नी माला ने छु़ल बोनी, मा माम्‍चु़नीकु डु़म्‍लाकाम कोर्थो़लाम बक्‍पा दु़म्‍नी।

याकूब 2:9 Referans Kwoze

यूहन्‍ना 8:9

मेसेमलाई मुमा बेट्‌पा मु़चु़मिमका ओराम ल्‍वा थो़म्‍डिमा ङादो ङावालामका कोले-कोले बेत्तो वाङमिम वो मेलामका लु़म्डिमा लम्‍डी। मेम्‍मा येशू नुङ मे मेसेम कोङङा मेसिन्‍डा दु़म्‍ची। मे मेसेम येशूकु ङादोडा येम्‍तासिड्‌डा।

१ यूहन्‍ना 3:4

उहेम मु़चु़का छु़ल बु़, मेरामका माम्‍चु़नीकु डु़म्‍ला होम्‍साका मेबु़। माम्‍चु़नीकु डु़म्‍लाकु कोर्थो़लाम बक्‍साका बुमुङा छु़ल सो़।

रोमी 3:20

डु़म्‍ला होम्‍साका दोपा मु़चु़ सु़ वो माम्‍चु़नीकु ङादोडा जो़पा मेदु़म, हेङालोने डु़म्‍लाका ने मु़चु़का बेम्‍डिम छु़ल रेम्‍बु़।

यूहन्‍ना 16:8

गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।

यूहन्‍ना 8:46

गो छु़ल बेउतोम बु र्‍वाक्‍पा गानीगोडाम सु़का रेम्‍बोमु चाप्‍सु़? गो आच्‍छाङाकाम ल्‍वा जेङुमिम बुङु, हेङा गानी गोलाई थो़र मेलु़निमिम?

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

गलाती 2:19

हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

१ कोरिन्थी 14:24

लावो खोत्‍लेका माम्‍चु़नीलाम जेमिमिम बुमिलो कोङनिम थो़र मेलु़पा मु़चु़ लोवो होप्‍माम ल्‍वा थेसिमेथेट्‍पा हाम वो थेसिमेथेट्‌पा मु़चु़ लोवो मेगोडा रोक्‍ता माला खोत्‍लेलामका उ छु़लकु दुथाम चबेला सो़सी मा खोत्‍ले मु़चु़मिमलामका छाम्‍ला सो़सी।

थु़र्मा 10:34

ओराम थो़स्‍तु़मा पत्रुसका जेमु चो़म्‍डु़, “माम्‍चु़नीका चोमिक्‍सी मेबोमी र्‍वाक्‍पा आच्‍छाङा गो ल्‍वाउतो।