याकूब 2:8 - थुलुङ राई

⁸ माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

याकूब 2:8 Referans Kwoze

गलाती 5:14

मोशाकु खोत्‍ले डु़म्‍लाका र्‍वाक्‍ताम ल्‍वा कोले ल्‍वाडा रोक्‍थिड्‌डाम बु, “इनी त्‍वापलाई होङङा इनीमा साउखोरेलाई रिखाम बेनी”

याकूब 2:12

मेम्‍मिमका गानी जेनिलो खारी बोनिलो ओराम मिम्‍नी, गानीलाई छु़ल नुङ सिमुलामका फ्‍वाक्‍पा डु़म्‍लाका इनीमा निया वो बु़ सो़।

मत्ती 22:39

नक्‍नोम वो डोक्‍पुङा बु, ‘गाना इमा साउखोरेलाई इमा त्‍वापलाई होङङा रिखाम बे।’

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

१ थेसलोनिकी 4:9

लावो थो़रलु़पामिमलाई रिखाम बोमुकु दुथाम गानीलाई गुकु र्‍यामुम बुमु मेबासी। हेङालोने रिखाम बेबेनी र्‍वाक्‍साका माम्‍चु़नीलाम इनी त्‍वाकाङा सीन्‍सिट्‌निम बु।

फिलिप्‍पी 4:14

मेम्‍मा वो गानी गोलाई आमा दु़खाडा ख्‍लो़ङ्‌डिनी, मेराम जो़पा दु़स्‍ता।

मत्ती 25:23

“उ नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

मत्ती 25:21

“नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

मत्ती 7:12

वाङमिमका गानीलाई हेप्‍माम बोमिमिम द्‌वानी, गानी वो मेर्मिमनुङ मेमङा बेनी। मोशाकु डु़म्‍ला नुङ माम्‍चु़नीलाम-जेपामिमकु खोत्‍ले सीसि ओरामङा सो़।

रोमी 13:10

रिखाम बेपाका वाङमिमकाम लागि मेजो़पा मेबु़मी। मेम्‍मिमका रिखाम बोमु ङा डु़म्‍लाका र्‍वाक्‍ताम ल्‍वा बोम्‍सोमु सो़।

याकूब 4:11

वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।