याकूब 2:5 - थुलुङ राई

⁵ आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

याकूब 2:5 Referans Kwoze

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

लूका 6:20

मेकोतिमा गुमीका उनी सीसिपामिमथो़ रेप्‍तो र्‍वाम्‍डी: “इनी हाम वो मेबाट्‌पा मु़चु़नी गानी आलाकाम सो़, हेङालोने माम्‍चु़नीकु किब्‍दी इनीमा ङा सो़।

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

लूका 12:21

“त्‍वाकाम लागि खाप्‍ची फुट्‌पा, लावो माम्‍चु़नीडा खाप्‍चीचो़ मेदु़म्‍पा मु़चु़ ने आरेङा दु़म।”

१ पत्रुस 1:4

पाह्रीला जु़ल्‍थाट्‌मा इनीमा लागि जि-वा मेचेम्‍पा, मेफाल्‍सिक्‍पा, मेचु़र्पा बु।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

हिब्रू 11:26

मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

१ कोरिन्थी 2:9

लावो माम्‍चु़नीकु सिजेमडा आरेसाका र्‍याक्‍मा बु, “मिक्‍सीका मेल्‍वाम्‍मा, नोफ्‍लाका मेथो़म्‍मा, नडा मेमिम्‍मा ल्‍वा, माम्‍चु़नीका गुमीलाई रिखाम बेपामिमकाम ङादोङा चोचु़म्‍सिडिम बाइडा।”

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

याकूब 1:9

थो़रलु़पामिमगोडाम उ हाम वो मेबाट्पा याक्‍के मु़चु़लाई माम्‍चु़नीका डोक्‍पु बोमिमिम थारीकाम लागि गु छो़म गेर्सी द्‌वानु़,

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

१ तिमोथी 6:18

मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

२ तिमोथी 4:18

ङाचो़का गोलाई खोत्‍ले मेजो़पा ल्‍वालामका गेङिमी, मा गुमीका उनीमा पाह्रीलाम किब्‍दीकाम लागि गोलाई बोङिमी-थार्ङिमी। हेल्‍लो लोवो उनीमा यु़म झ्‍वानु़म बुनु़! आमेन।

२ थेसलोनिकी 1:5

माम्‍चु़नीका जो़होमका निया बोमी मा उनीमा किब्‍दीकाम लागि गानी घ्रेट्‌पा दु़म्‍निम बु र्‍वाक्‍पा इनीमा दु़खाका रेम्‍बु़।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

लूका 16:22

“चङडा मे उ हाम वो मेबाट्‌पा लाजरस सिडा, मा पाह्रीचो़मिमका मेरामकु पेल लम्‍डिमा पाह्रीला अब्राहामनुङ जु़ल्‍मिडी। मे खाप्‍चीचो़ वो सिडा, मा क्‍लु़म्‍मिडी।

याकूब 1:16

द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

यूहन्‍ना 7:48

हाम ङाउमिमका डे फरिसीमिमगोडाम कोङनिमका डे गुडला थो़र लु़म्‍डिम बु?

लूका 22:29

हेसाका आमा माम्‍चु़नीका गोलाई हप दु़म्‍बेट्‌ङिडिमिम बु, गानीलाई गो वो मेम्‍साकाङा हप दु़म्‍बेनिनी।

मर्कूस 7:14

गुमीका आथावो मे मु़चु़मिमलाई उनीमाथो़ येट्‌मिडिमा र्‍वाम्‍डी, “गानी खोत्‍लेका गो र्‍वाङुमिम ल्‍वा थो़नी, मा थेसिथेट्‌नी।

थु़र्मा 7:2

स्‍तिफनसका र्‍वाक्‍ता, “माम-पाप नुङ वा-ल्‍वाकनी, आनो थो़नी! इकी ङाउ-खुउ अब्राहाम हारानडा बुमु ङादो मेसोपोटामियाडा बाइडालो गुनुङ यु़म-झ्‍वाक्‍सीकु माम्‍चु़नी ल्‍वाला सो़म्‍सिम्‍डिम बाइडा।

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।