याकूब 2:25 - थुलुङ राई

²⁵ मेम्‍साकाङा राहाब छो़लो़मा बाइडा लोवो चो़पाचो़चिपलाई थक्‍तु़ची, मा मेर्चिपलाई वाङमिमङा लाम्‍दीलामका स्‍वाबेसाका ख्‍लो़यु़डु़चिमका उ खारी बेसीकाङा माम्‍चु़नीका गुलाई जो़पा मिम्‍मिडी।

याकूब 2:25 Referans Kwoze

हिब्रू 11:31

थो़रकाङा छो़लो़मा राहाबका चो़पाचो़चिपलाई जो़होमका रङडु़चिमका माम्‍चु़नीका र्‍वाम्‍डिम मेथो़पामिमनुङ गु मेसेन्‍सावा।

मत्ती 21:31

“ओर्चिप नलेडा पापका र्‍वाक्‍ताम होङङा उहेमका बु़डु़?” ङाउ डु़म्‍लाचो़मिम नुङ यहूदी ङाउमिमका र्‍वाम्‍डी, “उमा थाकुचो़।” येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, कर फक्‍पामिम नुङ छो़लो़मामिम गानीडाम ङादो माम्‍चु़नीकु किब्‍दीडा हुमी।

मत्ती 1:5

सल्‍मोन बोअजकु पाप बाइडा। बोअजकु माम राहाब बाइडा। बोअज ओबेदकु पाप, ओबेदकु माम रूथ बाइडा। ओबेद यिशैकु पाप,

याकूब 2:22

अब्राहामका माम्‍चु़नीडा थो़र बु़डु़, मा मेराम होम्‍साका खारी बु़डु़, मा गुका खारी बु़डु़मकाङा उमा थो़र छो़म डोक्‍पु दु़स्‍ताम बाइडा र्‍वाक्‍पा गानी ल्‍वानी।

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

थु़र्मा 17:7

ओ यासोनका मेर्चिपलाई उ नेमडा येड्‌डु़चिम रेछा। मेर्चिपका रोमी हपका र्‍वामिम मेथो़साका येशू र्‍वाक्‍मा वाङमी ङा हप बुमी र्‍वाची।”

याकूब 2:24

मेम्‍मिमका इकी खारीका माम्‍चु़नीका गुइलाई जो़पा र्‍वामी, थो़रका कोङङा मेएँ र्‍वाक्‍पा गानी चनी।