याकूब 2:14 - थुलुङ राई

¹⁴ आमा वा-ल्‍वाकनी, कोङ मु़चु़का “गोनुङ थो़र बु” र्‍वा लोवो खारी मेबु़ माला मेराम थो़रका हाम जो़पा बु़ मा? हाम उ थो़रका मेराम मु़चु़लाई सेल्‍मु चाप्‍सु़?

याकूब 2:14 Referans Kwoze

लूका 6:49

लावो उहेमका आमा सिजेम थो़सु़मा वो मेराम होम्‍साका खारी मेबेपा मु़चु़ ने आरेप्‍माम सो़, उहेमका नेमकु फारगोयु़म डोक्‍पु लुङ मेगसाका क्‍वाडला नेम बनेबु़डु़। मेकोतिमा होङकोर्मा योक्‍तामा मेराम नेम याक्‍तु़। मेकोतिलो मेराम नेम झार्स्‍ल्‍याड्‌डा, मा खोत्‍लेङा स्‍याकारिस्‍ता।”

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

२ पत्रुस 1:5

मेम्‍मिमका इनी थो़रडला इनी जो़पा दु़म्‍सी काप्‍तो लक्‍नी, जो़पा दु़म्‍सीडला न छेबेसी,

याकूब 2:26

मिरो़म पेल मान्‍थिम दु़म्‍लो सिमिम दु़म। मेप्‍मामङा थो़र वो खारी मान्‍थिम दु़म्‍लो सिमिम दु़म।

हिब्रू 11:17

थो़रकाङा माम्‍चु़नीका अब्राहामकु न छाम्‍मिडिलो उमा चो़ इसहाक सेन्‍मुमा माम्‍चु़नीलाई ग्‍वामु झो़म्‍सिड्‌डा। अब्राहामनुङ माम्‍चु़नीका याचे जेम्‍डिम बाइडा, मेम मा वो गुका कोलेङा बाट्‌पा उ चो़ सेन्‍मु झो़म्‍सिड्‌डा।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

थु़र्मा 8:21

ओराम खारीलामका गाना गुकुलाम हाम वो मेल्‍वाना, हेङालोने माम्‍चु़नीकु ङादोडा इमा न-गो जो़पा मिबु।

मत्ती 5:20

हेङालोने गो गानीलाई र्‍वाङु, डु़म्‍लाका र्‍वामिम ल्वा डु़म्‍ला सीपा पातु़म्‍री नुङ फरिसीमिमडाम वो जो़होमका मेबेनिवा माला आछाङा गानी पाह्री-किब्‍दीडा हुमु मेल्‍वानी।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

१ कोरिन्थी 15:2

गो थो़बेट्‌निनिम ओराम जो़पा-सेलाडा थो़र बोनिमा मेडिसाका मेरामडा दु़म्निम बुनी माला ओरामका गानीलाई सेल्‍नी, मेएँ माला ने गानी थो़र बेन्‍निम ने हाम ना हामकाम दु़म।

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

याकूब 2:16

गानीगोडाम कोङ मु़चु़का मेराम मु़चु़लाई “जाल्‍पा बेसाका बानी, ख्‍वाचेप खोहोम पेनी, माम्‍चु़नीका जि ग्‍वानामिनु़” कोङङा बु़, लावो मेराम खेरेला दु़म्‍पालाई हाम वो मेग्‍वाकु़ माला गानी र्‍वानिमिम ल्‍वाका हाम जो़पा बु़ मा?

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

थु़र्मा 8:13

सिमोनका वो थो़रबु़डु़मा कु-रु़दु़म रङडु़। मेकोतिमा गु हेल्‍लो लोवो फिलिपनुङ लाम्‍दिथाल्‍ला। फिलिपका बु़डु़म यु़मखारीमिम नुङ हेल्‍लो वो मेल्‍वासु़वाम खारीमिम ल्‍वास्‍तु़मा ङाङाया दु़स्‍थाल्‍ला।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

रोमी 2:25

डु़म्‍ला होम्‍साका दोनी माला ने खिरिरि क्रिप्‍सी आच्‍छाङा जो़पा ङा दु़म, लावो डु़म्‍ला होम्‍साका मेदोनी माला गानी खिरिरि क्रिप्‍सी बोनिमिम वो खिरिरि क्रिप्‍सी मेबोनिमिम कोतिमङा दु़म।

लूका 3:11

यूहन्‍नाका मेर्मिमलाई र्‍वाक्‍ता, “उहेमनुङ नले माक्‍ते बु, मेरामका मेबाट्‌पालाई ग्‍वाक्‍नु़, मा उहेमनुङ पोमुडुमु बु, मेरामका वो मेम ङा बु़नु़।”

याकूब 1:16

द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।