याकूब 2:12 - थुलुङ राई

¹² मेम्‍मिमका गानी जेनिलो खारी बोनिलो ओराम मिम्‍नी, गानीलाई छु़ल नुङ सिमुलामका फ्‍वाक्‍पा डु़म्‍लाका इनीमा निया वो बु़ सो़।

याकूब 2:12 Referans Kwoze

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

याकूब 2:8

माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

यूहन्‍ना 8:32

मेम्‍मा गानी माम्‍चु़नीकु दुथाममिम आच्‍छाङाकाम ल्‍वा थेसिथेनी, मा मे आच्‍छाङाकाम ल्‍वाका गानीलाई फ्‍वानी।”

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।