याकूब 1:27 - थुलुङ राई

²⁷ माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

याकूब 1:27 Referans Kwoze

रोमी 12:2

सु़म्‍दिसेरडाम मु़चु़मिम होप्‍माम दु़म्‍मु मेमाल्‍नी, लावो इनी त्‍वाकु नगोलाम ख्‍लोसिट्‌निमा जो़पा दु़म्‍तो लक्‍नी। मेप्‍माम दु़म्‍मु चाप्‍नी माला, माम्‍चु़नीकु जो़पा नुङ गेर्सी द्‍वाक्‍पा ल्‍वा, मा माम्‍चु़नीकु न हेप्‍माम बु, मेराम होप्‍माम दु़म्‍मु बासिक्‍पा ल्‍वा हाम बु र्‍वाक्‍साका गानी इनी न-गोडा छाम्‍मु चापा दु़म्‍नी।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

१ तिमोथी 5:4

कोङ अर्दोमेकाम चो़मिम, चु़सु़मिम बुमी माला मेर्मिमका ङादो उनी त्‍वाकु नेमगोडाम मु़चु़मिमलाई माम्‍चु़नीकु सो़रलोले बेसी होम्‍साका जो़होमका रेप्‍साका उनी जेर सोम्‍सामिनु़। मेर्मिमका आरे बोमिमिम माम्‍चु़नीका द्‌वामी।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

मत्ती 5:8

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

१ यूहन्‍ना 5:18

उहेम मु़चु़ माम्‍चु़नीलाम गस्‍ताम बु मेरामका हेल्‍लो लोवो छु़ल बु़होम मेबु। माम्‍चु़नीकु तारापाचो़का मेराम मु़चु़लाई बोमी-थार्मी मा शैतानका मेराम मु़चु़लाई लु़म्‍मु मेचाप्‍सु़ र्‍वाक्‍पा गुइ च।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

मत्ती 12:32

कोङनिमका मिनीचो़कु कोर्थो़लाम जेमिम ल्‍वा हेम्‍सी, लावो कोङनिमका माम्‍चु़नी-पेलकु कोर्थो़लाम जेस्‍ता माला मेराम ओम्‍लो नुङ दिफुम थारीका वो मेहेम्‍सी।

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।

गलाती 3:11

माम्‍चु़नीकु ङादोडा डु़म्‍लालाम सु़ वो जो़पा न-गोकाम मेदु़म र्‍वाक्‍पा ल्‍वा खोत्‍लेकु ङादोडा रेम्‍बेम्‍मा बु। हेङालोने आरेसाका र्‍याक्‍मा बु, “जो़पा न-गोकाम मु़चु़ थो़रलाम कोङङा नु़पा दु़म।”

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

याकूब 3:9

ओराम लेमकाङा ङाचो़ नुङ माम्‍चु़नीकु नङ कोक्‍सी, मा ओराम लेमकाङा माम्‍चु़नीका उनी त्‍वाप होप्‍मामङा प्रङ्‌मिडिम मु़चु़मिमलाई वाइतो बेडिमी।

२ पत्रुस 1:4

मेलामका छो़म डोक्‍पु नुङ हापा थिकाम उनी याचेजेसीमिम गुइलाई ग्‍वाक्‍साड्‌डामिम बु। मेम्‍मा मेरामलामका गानी माम्‍चु़नी हेप्‍माम बुमी मेप्‍मामङा दु़म्‍नी मा मेजो़पा नका बेबेद्‌वाक्‍पा सु़म्‍दिसेरडाम मेजो़पा बेसीलामका प्लु़सिमु चाम्‍नी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।