याकूब 1:19 - थुलुङ राई

¹⁹ आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।

याकूब 1:19 Referans Kwoze

एफिसी 4:26

इनी छोक्‍चो ब लोवो छु़ल मेबेनी। नेम्‍सुङ गाम्‍मु ङादोङा इनी छोक्‍चो सिनु़,

कलस्‍सी 3:8

लावो गानी आथावो रु़प्‍चु़मो लोमु, छोक्‍चो बोमु, वाङमिमलाई मेजो़पा बोमु, वाङमिमलाई डक्‍साका जेमु मा घ्राम्‍लु़पा जेमु डिट्‌नी।

एफिसी 4:31

मेभ्रसिक्‍पा, गो-गो छोक्‍चो बेपा, छोक्‍चोका येत्तो फपा, क्‍वाल्‍बा बेपा, मु़चु़लाई डक्‍साका जेपा, वाङमिमलाई मेजो़पा बेपा खोत्‍ले बादु़खाम ङेट्‌नी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

लूका 19:48

मेमङा लोवो मेर्मिमका गुमीलाई सेन्‍मु बासिक्‍पा ल्‍वा हाम वो मेडार्मिवा, हेङालोने खोत्‍ले मु़चु़मिमका गुमीका सीट्‌मिडिम ल्‍वा न सोक्‍साका जो़होमका थो़म्‍थाल्‍मिडी।

मर्कूस 2:2

मेसिन्‍डा छो़म सेर्पा मु़चु़मिम खोम्‍सिम्‍डिमका लाम्‍चोकोडा ना बान्‍थो़ खेल देम्‍खोप ङा मेबायावा, मा येशूका ने सिजेम दो़त्तोङा बेम्‍डी।

थु़र्मा 10:33

मेकोतिमा दालाङा गो गानी येड्‌डा मु़चु़मिम थु़र्तोमी, मा आसिन्‍डा रोनिम छो़म ङा जो़पा दु़स्‍ताम बु। आथा माम्‍चु़नीका गानीनुङ र्‍वाम्‍डिम खोत्‍ले सिजेम थो़मु गुकु खोत्‍लेङा माम्‍चु़नीकु ङादोडा खोम्‍सिक्‍तोकोम बु।”

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

लूका 15:1

कोलेम कर फक्‍पा मु़चु़मिम नुङ छु़लचो़मिम खोत्‍ले येशूकु सिजेम थो़प्‍डा उनीमाडा रोक्‍तोङा लेट्‌मिडी।

१ यूहन्‍ना 2:21

आच्‍छाङाकाम ल्‍वा गानी थेसिमेथेनी र्‍वाक्‍साका गानीलाई ओराम ल्‍वा र्‍याक्‍पुमिम मेएँ, लावो आच्‍छाङाकाम थेसिथेनिमिमका र्‍याक्‍पुमिम। आच्‍छाङालामका ल्‍वा लिमा मेरो र्‍वाक्‍पा गानी चनी।

थु़र्मा 13:48

वाङसामामिमका ओराम ल्‍वा थो़म्‍डिमा छो़म गेर्सिम्‍डी, मा माम्‍चु़नीकु सिजेमकाम लागि आलासो़ ग्‍वाम्‍डी। मेकोतिमा हेल्‍लो वो मेसिपा त्‍वारो़म ल्‍वामु र्‍वाक्‍साका छेट्‌मिडिम खोत्‍ले मु़चु़का थो़र लु़म्‍डी।

मर्कूस 12:37

दाऊद उ त्‍वाका ङा मेरामलाई ‘माम्‍चु़नी’ र्‍वा, मा हेसाका गु मेरामकु चो़ दु़स्‍ता?” मेकोतिमा मेसिन्‍डाम सेर्पा मु़चु़मिमका उनी सिजेम गेर्सिक्‍तो थो़म्‍डी।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

याकूब 1:2

आमा वा-ल्‍वाकनी, गानीडला खाल-खालकाम दु़खामिम रोमिलो छो़म गेर्सी द्‌वाक्‍नी।

याकूब 1:16

द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।

याकूब 2:1

आमा वा-ल्‍वाकनी, ङाचो़ येशू ख्रीष्‍ट, यु़म-झ्‍वाक्‍सीकु ङाचो़डला गानी थो़र बेन्‍निमका मु़चु़मिम गोडा चोमिक्‍सी मेबेनी।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

याकूब 3:10

कोले सिलामकाङा नङ कोमु नुङ वाइतो बेन्‍मु ल्‍वा लु? आमा वा-ल्‍वाकनी, आरेप्‍माम ने दु़म्‍सिमेनु़।

याकूब 4:11

वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।

याकूब 5:12

वा-ल्‍वाकनी, त्‍वाकु ल्‍वा आच्‍छाङा रेम्‍बोमु लागि खोत्‍लेडाम ङादो सुबु, पाह्री नुङ वाङमिम हामकाम वो कसम मेपेनी। लावो मुमा बेन्‍ला मेसो़म्‍सिमुकाम लागि गानी र्‍वानिमिम आच्‍छाङाकाम ल्‍वा आच्‍छाङा दु़म्‍नु़, मा मेएँ माला मेएँङा दु़म्‍नु़।

याकूब 5:19

आमा वा-ल्‍वाकनी, गानीगोडाम कोङनिम मु़चु़ माम्‍चु़नीकु आच्‍छाङाकाम सिजेम डिसाका कोर्थो़ ललो मेरामलाई कोङनिमका माम्‍चु़नीडा ख्‍लोकु़ माला,