याकूब 1:18 - थुलुङ राई

¹⁸ गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

याकूब 1:18 Referans Kwoze

१ पत्रुस 1:23

सिपा भ्रल मेएँ लावो मेसिपा भ्रल, हेल्‍लो वो मेसिपा मा हेल्‍लो लोवो दु़म्‍पाम बाट्‌पा माम्‍चु़नीकु सिजेमलामका गानी आथावो गक्‍निम बु।

यूहन्‍ना 1:13

पाइमाखालामका वो मेएँ, मु़चु़कु मुलु़ लोवो मु़चु़कु नका वो मेर्मिम चो़मिम गम्‍डिम मेएँ। लावो माम्‍चु़नीकु नका मेर्मिम माम्‍चु़नीकु चो़ दु़म्‍मिडिम बाइडा।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

रेम्‍बेट्‌मिडिम ल्‍वा 14:4

मेर्मिम मु़चु़ मेसेममिमनुङ मेअम्‍मिवाम बाइडा हेङालोने मेर्मिमका उनी त्‍वापलाई सेपा दु़म्‍बेन्‍थाट्‌मिडिम बाइडा। भेन्‍दाचो़ बान्‍थो़ लम्‍डी मेनो-मेनो उनी चङचङ मेर्मिम लम्‍डी। माम्‍चु़नी नुङ भेन्‍दाचो़लाई ग्‍वामु लागि ङादो सिट्‍पा मामिम होङङा मु़चु़मिमकु थेतेलामका थि सोक्‍साका मेर्मिमलाई वाङ बेम्‍डिम बाइडा।

एफिसी 1:12

ख्रीष्‍टडा खोत्लेडाम ङादो थो़र बेपा गुकु यहूदीमिमका यु़म झ्वाक्‍पा माम्चु़नीकु नङ कोमु चाम्‍कुनु़ र्‍वाक्‍साका गुमीका गुकुलाई छेत्तिकिमिम बु।

१ यूहन्‍ना 3:9

माम्‍चु़नीलाम गक्‍पा उहेम मु़चु़का वो छु़ल बु़होम मेबु, हेङालोने माम्‍चु़नीकु त्‍वारो़म मेराम मु़चु़ गोनो दु़म। मेराम मु़चु़का छु़ल बु़होम मेबु, हेङालोने मेराम मु़चु़ माम्‍चु़नीलाम गस्‍ताम सो़।

हिब्रू 12:23

पाह्रीला नङ र्‍याक्‍मा ङादो गक्‍पामिमकु घ्रो़म्‍दीडा गानी रोक्‍निम बु। खोत्‍ले मु़चु़कु निया बेपा माम्‍चु़नी नुङ माम्‍चु़नीकु न होप्‍माम जो़पा दु़म्‍पा मु़चु़मिमकु घ्रो़म्‍दीडा रोक्‍निम बु।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

१ कोरिन्थी 4:15

ख्रीष्‍टडा गानीलाई सीपा मु़चु़मिम ङार्मुङा मेझापा बुमी, लावो इनीमा पाप ने सेर्पा मेबुमी। गानीलाई जो़पा-सेला थो़बेसाका येशू ख्रीष्‍टडा गो इनीमा पाप दु़म्‍ङोडोम बु।

रोमी 4:17

माम्‍चु़नीकु सिजेमडा आरेसाका र्‍याक्‍मा बु, “गो गानालाई हापा सामामिमकु पाप दु़म्‍बेट्‌निम बु।” सिपामिमका त्‍वारो़म ल्‍वापा मा मेबाट्‍पा थोकलामका वो बाट्‍पा दु़म्‍बेन्‍मु लागि येट्‍पा माम्‍चु़नीडा अब्राहामका थो़र बु़डु़म बाइडा।

२ कोरिन्‍थी 6:7

आच्‍छाङाकाम सिजेम नुङ माम्‍चु़नीकु यु़मका उनीमा खारी बेपा मु़चु़ र्‍वाक्‍साका रेम्‍बोकु। गुइलाई बोपा-थार्पा मा क्‍वाल्‍बा बेपा इकीमा गिजो-वाजो र्‍वाक्‍मा ने माम्‍चु़नीकु ङादोडा जो़पा दु़म्‍साका खारी बोमु सो़।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

२ तिमोथी 2:15

माम्‍चु़नीकु आच्‍छाङाकाम सिजेम चङको-चङको सीपा, त्‍वाकु खारीडा क्रो़मलु़मु मेबासिक्‍पा खारीचो़ होङङा माम्‍चु़नीका बिम्‍सिप्‍मिमिम खारी छो़म बे।

याकूब 1:15

मा मेराम मेजो़पा ल्‍वा न-गोडा हु, मा छु़ल ग। छु़ल बर्तो लमा सिमुलाम रेडु़।

याकूब 3:14

इनीमा न-गोडा नाचु़र नुङ त्‍वाप नु़पा ल्‍वा कोङङा बु माला गानी नेप्‍चीनुङमा र्‍वाक्‍साका डोक्‍पु मेलिन्‍सिट्‌नी। आच्‍छाङाकाम ल्‍वा थक्‍साका लिमा थेट्‌पा गानी दु़म्‍नी।