याकूब 1:17 - थुलुङ राई

¹⁷ आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

याकूब 1:17 Referans Kwoze

यूहन्‍ना 3:27

यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

मत्ती 7:11

गानी छु़लचो़ बुनिमा वो इनी चो़मिमलाई जो़पा-जो़पा ल्‍वामिम ग्‍वामु थेनी। मेरामडाम वो पाह्रीलाम माम्‍चु़नी इनी पापका गुमीनुङ बिपा मु़चु़मिमलाई हाङको हापा जो़पा ल्‍वामिम ग्‍वामी।

हिब्रू 13:8

येशू ख्रीष्‍ट बास्‍ता, आनेप मा हेल्‍लो लोवो कोलेङा दु़म्‍मी।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

१ यूहन्‍ना 1:5

ओराम सिजेम येशू ख्रीष्‍टलामका गुकु थो़त्तोको मा गानीनुङ सो़कुमिम। माम्‍चु़नी ओल बुमी मा गुमीडा तुकुम्‍चिम बुमुङा मिबु।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

१ कोरिन्थी 4:7

सु़का गानीलाई वाङमिम मु़चु़डाम डोक्‍पु दु़म्‍बेट्‍नी? गानीनुङ हाम बु मेराम गानीलाई माम्‍चु़नीका ग्‍वाक्‍निमिम मेएँ मा? माम्‍चु़नीका ग्‍वाक्‍निम माला हेङा गानी डोक्‍पु लिन्‍सिनी?

१ यूहन्‍ना 4:10

रिखाम ओरामङा सो़: माम्‍चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्‌डामी, मा इकीमा छु़लमिम हेम्‍सामु सासेन्‍सिप्‍डा उनीमा तारापाचो़ थु़र्मिडी।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

रेम्‍बेट्‌मिडिम ल्‍वा 21:23

मे शहर छ्‌याङ-छ्‌याङया बोमु नेम्‍सुङ, ख्‍लो़मु मेबासी, हेङालोने माम्‍चु़नीकु यु़म-झ्‍वाक्‍सीकाङा छ्‌याङ-छ्‌याङया बु़, मा मेसिन्‍डाम धिप्‍री ने भेन्‍दाचो़ सो़।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

रेम्‍बेट्‌मिडिम ल्‍वा 22:5

मेसिन्‍डा आथा ने सिन्‍था मेदु़म। मेर्मिमलाई धिप्‍रीकु ओल, नेम्‍सुङकु ओल मेबासी, हेङालोने मिप्रङमा माम्‍चु़नीकाङा मेर्मिमलाई ओल ग्‍वामी। मेम्‍मा मेर्मिमका हेल्‍लो लोवो साखाम थो़मिमङा बुमी।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

याकूब 3:15

आरेप्‍माम नेप्‍ची ने पाह्रीलामका योक्‍पा मेएँ। लावो माम्‍चु़नीकु कोर्थो़लाम बक्‍पा शैतानलाम, सु़म्‍दिसेरलाम नुङ छु़लचो़मिमलाम रो।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।