याकूब 1:16 - थुलुङ राई

¹⁶ द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।

याकूब 1:16 Referans Kwoze

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

गलाती 6:7

इनी त्‍वाकाङा त्‍वापनुङ लु-फेले मेबेनी, माम्‍चु़नीनुङ लिमा थेन्‍मु मेचाप्‍सी। हेङालोने मु़चु़का ये-दडा हाम ख्‍लियु़ मेरामङा हकु़।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

कलस्‍सी 2:4

उहेम मु़चु़का वो गानीलाई मेर्मिमकु लिमा सीसिमिमथो़ थो़र लु़बेन्‍मु लेम्‍मु मेचाम्‍निमिनु़ र्‍वाक्‍साका ओराम ल्‍वा गानीनुङ र्‍वाङुमिम। मेर्मिमकु सीसि थो़रलु़इमिम होप्‍माम ल्‍वासी लावो आच्‍छाङा मेएँ सो़।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

२ तिमोथी 2:18

ओर्चिप आच्‍छाङाकाम ल्‍वालामका कोर्थो़ लक्‍चिम बु। सिमुलामका बग्‍गेट्‌पा थारी ङादोङा दु़म्‍मु दु़म्‍स्‍तु़ मा आथा ने मेदु़म र्‍वाक्‍साका ओर्चिपका हाङको मु़चु़मिमकु थो़र पुयु़लुक्‍साट्‌चिमिम बु।

फिलिप्‍पी 4:1

मेम्‍मिमका वा-ल्‍वाकनी, ङाचो़डा थो़र बेनिम बानी। द्‌वादीबुङ ङोप्‍सो़नी, गो गानीलाई रिखाम बोनिनी मा क्रो़म्‍मु न बु। गानी ने आमा भ्रसी नुङ आमा मुकुट सो़।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

मर्कूस 12:27

गुमी ने सिपामिमकु माम्‍चु़नी मेएँ, सामनुङमामिमकु माम्‍चु़नी बुमी। गानी छो़म ब्‍लो़म्‍सिट्‌निम बु।”

मर्कूस 12:24

येशूका मेर्मिमनुङ र्‍वाम्‍डी, “गानी माम्‍चु़नीकु सिजेम नुङ माम्‍चु़नीकु यु़म मेचनिमका ङा आरेसाका ब्‍लो़म्‍सिनिमिम।

मत्ती 22:29

येशूका मेर्मिमलाई र्‍वाम्‍डी, “गानी जो़होमका थेसिथेट्‌निम मिबु। हेङालोने माम्‍चु़नीकु सिजेम नुङ उनीमा यु़मकु दुथाम गानी मेचनी।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

याकूब 1:2

आमा वा-ल्‍वाकनी, गानीडला खाल-खालकाम दु़खामिम रोमिलो छो़म गेर्सी द्‌वाक्‍नी।

याकूब 2:1

आमा वा-ल्‍वाकनी, ङाचो़ येशू ख्रीष्‍ट, यु़म-झ्‍वाक्‍सीकु ङाचो़डला गानी थो़र बेन्‍निमका मु़चु़मिम गोडा चोमिक्‍सी मेबेनी।

याकूब 2:14

आमा वा-ल्‍वाकनी, कोङ मु़चु़का “गोनुङ थो़र बु” र्‍वा लोवो खारी मेबु़ माला मेराम थो़रका हाम जो़पा बु़ मा? हाम उ थो़रका मेराम मु़चु़लाई सेल्‍मु चाप्‍सु़?

याकूब 3:1

वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।

याकूब 3:10

कोले सिलामकाङा नङ कोमु नुङ वाइतो बेन्‍मु ल्‍वा लु? आमा वा-ल्‍वाकनी, आरेप्‍माम ने दु़म्‍सिमेनु़।

याकूब 4:11

वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।

याकूब 5:12

वा-ल्‍वाकनी, त्‍वाकु ल्‍वा आच्‍छाङा रेम्‍बोमु लागि खोत्‍लेडाम ङादो सुबु, पाह्री नुङ वाङमिम हामकाम वो कसम मेपेनी। लावो मुमा बेन्‍ला मेसो़म्‍सिमुकाम लागि गानी र्‍वानिमिम आच्‍छाङाकाम ल्‍वा आच्‍छाङा दु़म्‍नु़, मा मेएँ माला मेएँङा दु़म्‍नु़।

याकूब 5:19

आमा वा-ल्‍वाकनी, गानीगोडाम कोङनिम मु़चु़ माम्‍चु़नीकु आच्‍छाङाकाम सिजेम डिसाका कोर्थो़ ललो मेरामलाई कोङनिमका माम्‍चु़नीडा ख्‍लोकु़ माला,