हिब्रू 9:4 - थुलुङ राई

⁴ मेगोनो धूप चामु लागि बनेबेम्‍मा सो़नाकु सोजाम नुङ उडलामका सो़नाका ख्रेप्‍मा सो़रख्रेप्‍सीकु बाकस बाइडा। मे बाकसगोनो मन्‍न जु़ल्‍मा सो़नाकु सोजाम, लिम ओपा हारूनकु डु़लु़म्‍चो़ मा माम्‍चु़नीकु सो़रख्रेप्‍सी र्‍याक्‍मा नले लुङकु र्‍याखोप वो बाइडा।

हिब्रू 9:4 Referans Kwoze

रेम्‍बेट्‌मिडिम ल्‍वा 8:3

मेम्‍मा सो़नाकाम धूप चाखोप जेथाक्‍पा कोङमी पाह्रीचो़ रोक्‍ता मा सासेन्‍खोपफार्डा येम्‍स्‍ता। हप गन्‍खोपकु ङादोडा बाट्‍पा सो़नाकु सासेन्‍खोपडला माम्‍चु़नीकु खोत्‍ले मु़चु़मिमका सो़म्‍दीनुङ धूप चामिनु़ र्‍वाक्‍साका गुलाई हापा धूप ग्‍वाम्‍डी।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।