हिब्रू 9:27 - थुलुङ राई

²⁷ खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।

हिब्रू 9:27 Referans Kwoze

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

रोमी 5:12

सु़म्‍दिमोलोम मु़चु़ आदमलामका सुबुडा छु़ल गस्‍ता मा मेराम छु़लका सिमुलाम रेड्‍डु़। आरेसाका खोत्‍ले मु़चु़मिमका छु़ल बेम्‍डिमका खोत्‍ले मु़चु़डा सिमुलाम छास्‍ता।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

हिब्रू 6:2

कु-रु़दु़ममिमकु दुथाम सीसि, मु़चु़मिमडला ल्‍वा जु़ल्‍साका सो़म्‍दी बेपा, सिमुलाम बम्‍गेट्‍पा मा हेल्‍लो लोवो दु़म्‍पा देन्‍देकु दुथाम ने ङादो माम्‍चु़नीडला थो़र लु़न्‍निलोङा सीसिट्‌निम बाइडा। मेम्‍मिमका आरेप्‍माम ल्‍वामिम आथावो गानी सीसिमुमबुमु मेबासी।

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रोमी 2:5

लावो इनीमा न-गो लुङ होप्‍माम बेन्‍निमा गुमीथो़ ख्‍लोसिमु न मेबेनिवा। मेम्‍मिमका माम्‍चु़नीकु निया रेम्‍बेसिक्‍पा मेराम छोक्‍चोकाम नेम गानी छो़म डोक्‍पु देन्‍दे ल्‍वानी।

हिब्रू 10:27

लावो ङिमलु़पा निया लम्‍थामु नुङ माम्‍चु़नीकु स्‍वाक्‍चिमो छो़रो़प बेपा डोक्‍पु मु कोङङा दु़म।

१ यूहन्‍ना 4:17

निया दु़म्मिम नेम गुइ मेङिसाका बुइनु़ र्‍वाक्‍साका गुइगोडा रिखाम माम्‍चु़नीकु न होङङा दु़म। हेङालोने ओराम सु़म्‍दिसेरडा गुइ वो ख्रीष्‍ट होप्‍मामङा बुइ।

लूका 20:32

चङडा मेराम मेसेम वो सिडा।