हिब्रू 9:19 - थुलुङ राई

¹⁹ मोशाका डु़म्‍लाडा र्‍याक्‍मा खोत्‍ले ल्‍वा र्‍वामु दु़म्‍स्‍तु़। मेम्‍मा छ्‌वारा नुङ बेनोकु सिसि हिसपकु ग्रेमडा भेन्‍दाकु लालाम बोलुङ बसाका मे सिसिगोयु़ प्‍लु़म्‍तो मु़चु़ नुङ डु़म्‍लाकु खाजेमडला रक्‍तु़।

हिब्रू 9:19 Referans Kwoze

हिब्रू 9:12

येशू ख्रीष्‍ट खोत्‍लेडाम सेपा मेराम खोमडा हेल्‍लो लोवोकाम लागि कोखेपङा हुम्‍डी। गुइलाई हेल्‍लो लोवो सेल्‍सिक्‍पा बेसाका गुमी मे डोक्‍पु खोमगोनो छ्‌वारा नुङ बेनोकु सिसि लक्‍साका मेएँ उनीमा त्‍वाकु सिसिङा लक्‍साका मेगोनो हुम्‍डी।

हिब्रू 10:4

हेङालोने बेनो नुङ छ्‌वारामिमकु सिसिका छु़ल हेम्‍मु मेझाम।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

यूहन्‍ना 19:5

येशूका चु़काम मुकुट खुतासिसाका नुङ गेगेम-चक्‍लेम रङ्‍गकाम ब्‍लाङमा-ये फतासिसाका पाखानो लुम्‍डी। मेम्‍मा पिलातसका र्‍वाक्‍ता, “रेप्‍नी, ओराम मु़चु़।”

यूहन्‍ना 19:2

सिपाहीमिमका चु़कु मुकुट बेनेबेम्‍डिमा गुमीलाई खुसिबेट्‌मिडी। मेम्‍मा गेगेम-चक्‍लेम रङ्‍गकाम ये फसिबेट्‌मिडी,

मर्कूस 15:20

मेर्मिमका येशूलाई नाले डान्‍मु डु़म्‍मिडिमा मे बैजनी रङकाम ब्लङमा प्‍लु़म्‍साट्‌मिडी, मा उनीमा ये ङा फबेट्‌मिडी, मेकोतिमा गुमीलाई क्रूसडा चेन्‍मुलाई पाखाथो़ ख्‍लुम्‍डी।

मर्कूस 15:17

मेम्‍मा मेर्मिमका बैजनी रङकाम ब्लङमा फबेट्‌मिडी, मा चु़कु मुकुट किम्‍डिमा उनी बुइडला खुबेट्‌मिडी।

मत्ती 27:28

मेर्मिमका येशूकु ये-सेम प्‍लु़म्‍साम्‍डिमा गुमीलाई लालाम हुम-ये फबेट्‌मिडी।

हिब्रू 12:24

लाले सो़रख्रेप्‍साक्‍पा येशूकाडा, मा हाबिलकु सिसिडाम वो जो़पा ल्‍वा जेपा रक्‍मा सिसिकु ङादोडा गानी रोक्‍निम बु।

हिब्रू 1:1

माके-माके माम्‍चु़नी इकी बेप-पापमिमनुङ हापा खेप हापा खालका माम्‍चु़नीलाम-जेपामिमलामका जेम्‍डी।

हिब्रू 9:13

मेसेपा मु़चु़मिमलाई छ्‌वारा नुङ बेनोकु सिसिका रमिमा मालोम पितु चासाका मेरामकु फोकाका फोसाका मेर्मिमकु मिरो़म सेपा दु़म्‍बेन्‍मी।

हिब्रू 9:18

मेम्‍मिमका ङादोम सो़रख्रेप्‍सी वो सिसिलामका आच्‍छाङा दु़स्‍ताम बाइडा।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।