हिब्रू 9:1 - थुलुङ राई

¹ ङादोम सो़रख्रेप्‍सीडा सो़रलोले हेसाका बोमु बासी र्‍वाक्‍साका सीपा डु़म्‍लामिम बाइडा मा सुबुडा सो़रलोले बेपा सेपा खोम वो बाइडा।

हिब्रू 9:1 Referans Kwoze

हिब्रू 8:2

गुमीका सेपा खोमडा डोक्‍पु डु़म्‍लाचो़ दु़म्‍साका खारी बोमी। मेराम सेपा खोम ने मु़चु़मिमका बनेबेम्‍डिम मेएँ, लावो माम्‍चु़नी उनी त्‍वाकाङा बनेबेम्‍डिम आच्‍छाङाकाम सेपा बाखोप सो़।

हिब्रू 8:7

ङादोम सो़रख्रेप्‍सीका मु़चु़मिमलाई मुमा मान्‍थिम दु़म्‍बेडु़मिवा माला ने लाले सो़रख्रेप्‍सी चाहे मेदु़प्‍सावा।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

हिब्रू 8:13

ओराम सो़रख्रेप्‍सीलाई लाले सो़रख्रेप्‍सी र्‍वाम्‍डी मा ङादोम सो़रख्रेप्‍सीलाई मेमोकिमिम बनेबेम्‍डी। ओराम ने मेमोकिमिम दु़म्‍तो ल मा दालाङा दाम्‍ल्‍या।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

हिब्रू 9:24

येशू ख्रीष्‍ट मु़चु़का बनेबेम्‍मा सेपा खोमगोनो मेहुमिवा, उहेम आच्‍छाङाकाम सेपा खोम होप्‍माम कोङङा सो़। लावो गुमी ने पाह्रीलाम आच्‍छाङाकाम सेपा खोमडा लम्‍डी। गुमी ओम्‍लो इकीमा लागि माम्‍चु़नीकु ङादोडा बुमी।