हिब्रू 8:8 - थुलुङ राई

⁸ लावो माम्‍चु़नीका उनी त्‍वाकु मु़चु़मिम मुमानुङमा डार्मिडी, मेम्‍मा गुमीका र्‍वाम्‍डी, “मिप्रङमाका र्‍वामी, आरेप्‍माम थारी रोक्‍तोङा लेडु़, इस्राएल नुङ यहूदाडाम मु़चु़मिमनुङ गो कोले लाले सो़रख्रेपु।

हिब्रू 8:8 Referans Kwoze

हिब्रू 12:24

लाले सो़रख्रेप्‍साक्‍पा येशूकाडा, मा हाबिलकु सिसिडाम वो जो़पा ल्‍वा जेपा रक्‍मा सिसिकु ङादोडा गानी रोक्‍निम बु।

हिब्रू 9:15

माम्‍चु़नीका याचे जेम्‍डिम हेल्‍लो लोवो दु़म्‍पा जिवामिम गुमीका थुट्‌मिडिम मु़चु़मिमकाङा ल्‍वामिनु़ र्‍वाक्‍साका येशू ख्रीष्‍टका माम्‍चु़नीलाममिम लाले सो़रख्रेप्‍सी मु़चु़मिमगोडा रेट्‌मिडिम बु। ङादोम सो़रख्रेप्‍सी बाइडाम थारीका बेम्‍डिम छु़ललामका मु़चु़मिम सेल्‍सिमु ल्‍वामिनु़ र्‍वाक्‍साका ङाचो़ येशू सिम्‍डिम बु।

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

१ कोरिन्थी 11:25

मेम्‍साकाङा पेम्‍डिमा गुमीका कान्‍चु़रे झेट्‌मिडी, मा र्‍वाम्‍डी, “ओराम कान्‍चु़रे आमा सिसिडाम लाले सो़रख्रेप्‍मा सो़। गानी हाम्‍सी ओराम डुनी, गोलाई मिम्‍मु आरे बेनी।”

लूका 22:20

ग्रुला पेम्‍डिमा येशूका अङ्‍गूरकु बिलामनुङमा कोङमी कान्‍चु़रे कोम्‍डिमा उनी सीसिपामिमनुङ र्‍वाम्‍डी, “ओराम कान्‍चु़रे आमा सिसिका माम्‍चु़नीनुङ उनी मु़चु़मिमकाम लाले सो़रख्रेप्‍मा सो़, मेराम इनीमा लागि सासेसाका हासी सो़।

मर्कूस 14:24

मेकोतिमा गुमीका मेर्मिमलाई र्‍वाम्‍डी, “ओराम हापा मु़चु़मिमकाम लागि हाट्‌मा सो़रख्रेपा आमा सिसि सो़।

लूका 17:22

मेकोतिमा गुमीका उनी सीसिपामिमलाई र्‍वाम्‍डी, “मिनीचो़ रोक्‍पा थारीकु कोङ थारी ल्‍वापा न बोनिमिम थारी रो, लावो गानी मेल्‍वानी।

मत्ती 26:28

हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।

हिब्रू 7:22

ओराम कसमलामका ङा येशूलाई ङादोम सो़रख्रेप्‍सीडाम जो़पा सो़रख्रेप्‍सी बेप्‍सोक्‍पा दु़म्‍बेडु़मी।

हिब्रू 8:6

लावो येशूलाई माम्‍चु़नीका ग्‍वाम्‍डिम डु़म्‍लाचो़कु खारी ने वाङमिम डु़म्‍लाचो़मिमलाई ग्‍वाक्‍मा खारीडाम डोक्‍पु बु। मेम्‍साका येशूका माम्‍चु़नीलाम उनीमा मु़चु़मिमकाडा रेट्‌मिडिम लाले सो़रख्रेप्‍सी ङादोम सो़रख्रेप्‍सीडाम छो़म डोक्‍पु बु। हेङालोने लाले सो़रख्रेप्‍सी ने मेरामडाम वो छो़म जो़पा ल्‍वामिमकु याचे जेसीलाम बनेबेम्‍डिम बाइडा।

हिब्रू 8:13

ओराम सो़रख्रेप्‍सीलाई लाले सो़रख्रेप्‍सी र्‍वाम्‍डी मा ङादोम सो़रख्रेप्‍सीलाई मेमोकिमिम बनेबेम्‍डी। ओराम ने मेमोकिमिम दु़म्‍तो ल मा दालाङा दाम्‍ल्‍या।

लूका 5:38

मेम्‍मिमका मालो प्‍लोक्‍मा अङ्‍गूरकु बिलाम जो़पा कोक्‍तेकु फाजीडा जु़ल्‍मु बासी।