Biblia Todo Logo
Bib sou entènèt

- Piblisite -




हिब्रू 7:6 - थुलुङ राई

6 डु़म्‍लाचो़ मल्‍कीसेदेक ने लेवी दोचो़गोडाम मेएँ। लावो गुका डु़म्‍लाचो़मिमकु बेप-पाप अब्राहामलामका दशांश रङडु़, मा माम्‍चु़नीका याचे जेम्‍डिम ल्‍वा डार्पा अब्राहामलाई गुका जि ग्‍वाक्‍तु़।

Gade chapit la Kopi




हिब्रू 7:6
16 Referans Kwoze  

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।


थो़रकाङा माम्‍चु़नीका अब्राहामकु न छाम्‍मिडिलो उमा चो़ इसहाक सेन्‍मुमा माम्‍चु़नीलाई ग्‍वामु झो़म्‍सिड्‌डा। अब्राहामनुङ माम्‍चु़नीका याचे जेम्‍डिम बाइडा, मेम मा वो गुका कोलेङा बाट्‌पा उ चो़ सेन्‍मु झो़म्‍सिड्‌डा।


मल्‍कीसेदेक शालेम शहरडाम हप नुङ खोत्‍लेडाम डोक्‍पु माम्‍चु़नीकु डु़म्‍लाचो़ बाइडा। अब्राहामका ब्‍लले हपमिमनुङ क्‍वाल्‍बा बोमुडाम घ्‍ल्‍वासाका ख्‍लोसिक्‍तोङा लेड्‌डु़लो मल्‍कीसेदेकका गुलाई क्रो़म्‍स्‍तु़मा जि ग्‍वाक्‍तु़।


माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।


मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।


गानी मे माम्‍चु़नीलाम-जेपामिम नुङ माम्‍चु़नीका सो़रख्रेप्‍मिडिम बेप-पापकु चो़-चु़सु़ ङा बुनी, उहेम सो़रख्रेप्‍सी अब्राहामनुङ आरे र्‍वाम्‍डिमा ख्रेप्‍मिडिम बाइडा, ‘इमा चो़-चु़सु़लामका ङा सुबुडाम खोत्‍ले मु़चु़मिमका जि ल्‍वामी।’


ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।


याक्‍के मु़चु़का डोक्‍पु मु़चु़लामका जि ल्‍वासु़ र्‍वाक्‍साका खोत्‍लेका च।


Swiv nou:

Piblisite


Piblisite