हिब्रू 7:3 - थुलुङ राई

³ मल्‍कीसेदेककु माम-पाप सु़ बाम्‍डी, गु बाम दोचो़गोडाम बाइडा, गु हेल्‍लो गस्‍ता, मा सिडा र्‍वाक्‍साका र्‍याक्‍मा मिबु। गु माम्‍चु़नीकु तारापाचो़ होप्‍मामङा हेल्‍लो लोवो दु़म्‍पाम बाट्‌पा डु़म्‍लाचो़ सो़।

हिब्रू 7:3 Referans Kwoze

हिब्रू 7:17

उनीमा दुथाम माम्‍चु़नीकु सिजेमका आरे र्‍वा, “मल्‍कीसेदेक होप्‍माम ङा गाना हेल्‍लो लोवो दु़म्‍पाम बाट्‌पा डु़म्‍लाचो़ सो़।”

हिब्रू 7:6

डु़म्‍लाचो़ मल्‍कीसेदेक ने लेवी दोचो़गोडाम मेएँ। लावो गुका डु़म्‍लाचो़मिमकु बेप-पाप अब्राहामलामका दशांश रङडु़, मा माम्‍चु़नीका याचे जेम्‍डिम ल्‍वा डार्पा अब्राहामलाई गुका जि ग्‍वाक्‍तु़।

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 7:1

मल्‍कीसेदेक शालेम शहरडाम हप नुङ खोत्‍लेडाम डोक्‍पु माम्‍चु़नीकु डु़म्‍लाचो़ बाइडा। अब्राहामका ब्‍लले हपमिमनुङ क्‍वाल्‍बा बोमुडाम घ्‍ल्‍वासाका ख्‍लोसिक्‍तोङा लेड्‌डु़लो मल्‍कीसेदेकका गुलाई क्रो़म्‍स्‍तु़मा जि ग्‍वाक्‍तु़।

हिब्रू 7:2

अब्राहामका घ्‍ल्‍वास्‍तामा रेड्‌डु़म खाप्‍चीकु दशांश मल्‍कीसेदेकलाई ग्‍वाक्‍तु़। मल्‍कीसेदेक र्‍वाक्‍मा ने “जो़पा न-गोनुङमा हप” सो़। शालेम शहरडाम हप र्‍वाक्‍मा “न-गो भ्रसिक्‍पा हप” र्‍वाक्‍पा थेसिथेडी।