हिब्रू 7:28 - थुलुङ राई

²⁸ मोशाकु डु़म्‍लाका ने छु़ल बोमु चापा मु़चु़ बाइडा लोवो डोक्‍पु डु़म्‍लाचो़ थुड्‌डु़। लावो मोशाका डु़म्‍ला ग्‍वाक्‍तु़मिम चङ्‌डा माम्‍चु़नीका कसम पेसाका र्‍वाम्‍डिम सिजेमका हेल्‍लो लोवो दु़म्‍पाम बाट्‌पा मा खोत्‍ले बोमु चापा उनीमा तारापाचो़ येशूलाई डोक्‍पु डु़म्‍लाचो़ थुट्‌मिडी।

हिब्रू 7:28 Referans Kwoze

हिब्रू 2:10

माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

हिब्रू 7:21

लावो गुमीलाई ने कसम पेसाका डु़म्‍लाचो़ दु़म्‍बेट्‌मिडिम सो़। उनीमा दुथाम माम्‍चु़नीकु सिजेमका आरे र्‍वा, “मिप्रङमाका कसम पेम्‍डिम बु, मा गुमीका उनीमा न मेफान्‍मी, गाना हेल्‍लो लोवो दु़म्‍पाम बाट्‌पा डु़म्‍लाचो़ सो़।”

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

लूका 13:32

येशूका मेर्मिमलाई र्‍वाम्‍डी, “लक्‍निमा लु-फेले बेपा मे सेरूली होप्‍माम मु़चु़लाई र्‍वाक्‍नी, ‘कोलेम-नलेम गो मुनाङ पेल कोलु, मा मु़चु़मिमलाई सबेट्‌पुमी। मेकोतिमा सुलेमनेम ने आमा खोत्‍ले खारी बोमु दु़म्‍सोक्‍पु।’

हिब्रू 7:24

लावो येशू ने हेल्‍लो लोवो दु़म्‍मिम बुमी मा गुमी डु़म्‍लाचो़कु खारी बेपाम बाट्‍पा दु़म्‍मिडिम बु।

हिब्रू 7:3

मल्‍कीसेदेककु माम-पाप सु़ बाम्‍डी, गु बाम दोचो़गोडाम बाइडा, गु हेल्‍लो गस्‍ता, मा सिडा र्‍वाक्‍साका र्‍याक्‍मा मिबु। गु माम्‍चु़नीकु तारापाचो़ होप्‍मामङा हेल्‍लो लोवो दु़म्‍पाम बाट्‌पा डु़म्‍लाचो़ सो़।

हिब्रू 5:5

येशू ख्रीष्‍टका वो डोक्‍पु डु़म्‍लाचो़ दु़म्‍मु लागि उनी त्‍वाका त्‍वापलाई डोक्‍पु बेम्‍डिम मेएँ, लावो माम्‍चु़नीका गुमीलाई थुट्‌मीडिम, “गाना आमा तारापाचो़ आनेप गो इमा पाप दु़म्‍ङोडोम बु।”

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

यूहन्‍ना 19:30

येशूका मेराम दो़प्‍मिडिमा र्‍वाम्‍डी, “हुक्‍ता।” मेम्‍मा कुम्‍सिम्‍डिमा उनीमा साम लस्‍ता।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।