हिब्रू 7:18 - थुलुङ राई

¹⁸ ङादोम डु़म्‍ला पार्सिड्‌डाम बु, हेङालोने ओरामका मु़चु़मिमलाई माम्‍चु़नीकाडा रेन्‍मु मेचाप्‍सु़वा मा हाम ना हामकाम दु़स्‍ता।

हिब्रू 7:18 Referans Kwoze

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

थु़र्मा 13:39

मोशाकु डु़म्‍लाका खोत्‍ले इनीमा छु़ल सेल्‍मु मेचाप्‍सु़वा, लावो येशूडा थो़रलु़पा खोत्‍ले सेल्‍सिट्‌निम बु।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।

गलाती 4:9

लावो आथा ने गानी माम्‍चु़नीलाई छेट्‌निम बु, आरेसाका वो र्‍वाकी, माम्‍चु़नीलाम गानी छेला सो़सिट्‌निम बु। लावो हेसाका गानी हाम ना हामकाम यु़म मेबाट्‌पा ल्‍वाकु सीसिथो़ आथावो ख्‍लोन्‍सीनी मा मेरामकु डु़ल्‍चो़ दु़म्‍मु न बोनी?

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

गलाती 3:17

गो र्‍वामु माल्‍तोम ल्‍वा ओरामङा सो़, ङादोङा माम्‍चु़नीका सो़रख्रेप्‍मिडिम ल्‍वा ब्‍लसङ सु धु़म थ चङडा रोक्‍पा डु़म्‍लाका क्रिम्‍मु मेचाप्‍सु़। मेएँ माला ने माम्‍चु़नीका याचे जेम्‍डिम हाम ना हामकाम दु़म्‍सावा।

गलाती 4:21

गानी मोशाकु डु़म्‍लागोडा बुमु माल्‍पामिमका गोलाई र्‍वाक्‍नी, डु़म्‍लाका हाम र्‍वाक्‍ताम बु हाम गानी मेचनी?

गलाती 3:15

आमा वा-ल्‍वाकनी, गुइ हेल्‍लो लोवो बिइ दोसीमिमलामका गो गानीलाई कोले ल्‍वा रेम्‍बेनिनी। नले मु़चु़का कोले ल्‍वाडा निफिकाङा उची नङ र्‍याचिमा याचे जेची माला मेराम आच्‍छाङा बोचिमिम दु़म। मेर्चिप दु़चिमिम ल्‍वा सु़का वो फाल्‍मु नुङ मेरामडला हाम-हुम ल्‍वा काम्‍मु मेचाप्‍सु़।

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

गलाती 3:21

मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।