हिब्रू 7:14 - थुलुङ राई

¹⁴ इकी ङाचो़ येशू यहूदाकु दोचो़लाम रोम्‍डिम बाइडा र्‍वाक्‍साका खोत्‍लेका च। ओराम दोचो़लाम डु़म्‍लाचो़कु दुथाम मोशाका हाम वो र्‍वाक्‍ताम मेबायावा।

हिब्रू 7:14 Referans Kwoze

रेम्‍बेट्‌मिडिम ल्‍वा 5:5

मेकोतिमा मे ङाउ-डु़म्‍लाचो़मिमगोडाम कोलेका गोनुङ र्‍वाक्‍ता, “मेख्राप्‍डा! रेप्‍डा, यहूदाकु दोचो़लाममिम धेन्‍द्रा, दाऊदकु चो़-चु़सु़का घ्‍ल्‍वाम्‍डिम बु। मे खाजेम नुङ मेरामकु येतले छापमिम होर्मु चापा गुमी बुमी।”

लूका 3:33

नहशोन, अम्‍मीनादाबकु तारापाचो़, अम्‍मीनादाब, आरामकु तारापाचो़, आराम, हेस्रोनकु तारापाचो़, हेस्रोन, फारेसकु तारापाचो़, फारेस, यहूदाकु तारापाचो़,

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

रोमी 2:3

ए मु़चु़नी, गानी आरेप्‍माम खारी बेपामिमलाई मुमा बेनिमी मा गानी वो मेप्‍माम ङा खारी बोनी माला, हाम माम्‍चु़नीकु नियालामका लुङल्‍याङु र्‍वाक्‍पा गानी मिम्‍सिनी?

यूहन्‍ना 20:28

थोमाका गुमीलाई र्‍वाक्‍ता, “आमा ङाचो़, आमा माम्‍चु़नी।”

यूहन्‍ना 20:13

मेर्चिपका र्‍वाक्‍ची, “ए वा छापा, हेङा ख्राम्‍नामिम?” गुका र्‍वाक्‍ता, “मेर्मिमका आमा ङाचो़लाई लम्‍डी रेछा, मा गुमीलाई बान्‍ते जु़ल्‍मिडिम बु मेराम गो मेचक्‍पु।”

लूका 1:43

आमा ङाचो़कु माम आमाडा रोम्‍डी। हेङामा माम्‍चु़नीका गोडला आकोम न-थो़म रेम्‍बेम्‍डी?

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

मत्ती 2:6

‘ए बेथलेहेम, गाना यहूदाकु किब्‍दीगोडाम याक्‍के मेबुना, हेङालोने भेन्‍दा रेपा-क्रिपा मु़चु़ होप्‍मामङा आमा मु़चु़ इस्राएलीमिमलाई क्रिपा मु़चु़ गानालामका लु’।”

हिब्रू 7:13

गुइ ख्रीष्‍टकु दुथाम ल्‍वा बेत्तोङा बिइ। गुमी ने वाङमी दोचो़लाममिम सो़। उनीमा दोचो़गोडा सु़का वो डु़म्‍लाचो़कु खारी बु़डु़म मिबु।

हिब्रू 7:15

मल्‍कीसेदेकाम होप्‍माम खारी बेपा कोङमी डु़म्‍लाचो़ रोलो डु़म्‍ला वो फान्‍सि र्‍वाक्‍पा ल्‍वा गुइ जो़होमका थेसिथेडी।