हिब्रू 7:11 - थुलुङ राई

¹¹ लेवीकु चो़-चु़सु़लामका डु़म्‍लाचो़ दु़म्‍मु बासी र्‍वाक्‍साका डु़म्‍लाका र्‍वाक्‍ता। लावो हारून होप्‍माम मेर्मिमकु डु़म्‍लाचो़मिमकाम खारीलाम माम्‍चु़नीकु ङादोडा खोत्‍ले ल्‍वा जो़पा दु़म्‍सावा माला मल्‍कीसेदेक होप्‍माम खारी बेपा कोङमी डु़म्‍लाचो़ रोमु मेबासावा।

हिब्रू 7:11 Referans Kwoze

हिब्रू 8:7

ङादोम सो़रख्रेप्‍सीका मु़चु़मिमलाई मुमा मान्‍थिम दु़म्‍बेडु़मिवा माला ने लाले सो़रख्रेप्‍सी चाहे मेदु़प्‍सावा।

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

हिब्रू 7:21

लावो गुमीलाई ने कसम पेसाका डु़म्‍लाचो़ दु़म्‍बेट्‌मिडिम सो़। उनीमा दुथाम माम्‍चु़नीकु सिजेमका आरे र्‍वा, “मिप्रङमाका कसम पेम्‍डिम बु, मा गुमीका उनीमा न मेफान्‍मी, गाना हेल्‍लो लोवो दु़म्‍पाम बाट्‌पा डु़म्‍लाचो़ सो़।”

हिब्रू 7:15

मल्‍कीसेदेकाम होप्‍माम खारी बेपा कोङमी डु़म्‍लाचो़ रोलो डु़म्‍ला वो फान्‍सि र्‍वाक्‍पा ल्‍वा गुइ जो़होमका थेसिथेडी।

हिब्रू 5:6

माम्‍चु़नीकु सिजेमगोडाम कोङमी खोमडा वो गुमीका र्‍वाम्‍डी, “मल्‍कीसेदेक डु़म्‍लाचो़ होप्‍माम गाना वो हेल्‍लो लोवो दु़म्‍पाम बाट्‌पा डु़म्‍लाचो़ सो़।”

गलाती 4:9

लावो आथा ने गानी माम्‍चु़नीलाई छेट्‌निम बु, आरेसाका वो र्‍वाकी, माम्‍चु़नीलाम गानी छेला सो़सिट्‌निम बु। लावो हेसाका गानी हाम ना हामकाम यु़म मेबाट्‌पा ल्‍वाकु सीसिथो़ आथावो ख्‍लोन्‍सीनी मा मेरामकु डु़ल्‍चो़ दु़म्‍मु न बोनी?

हिब्रू 6:20

इकीमा लागि येशू गुइडाम ङादोङा मेराम बायडा लमु दु़म्‍मिडिम बु। मल्‍कीसेदेक डु़म्‍लाचो़ होप्‍मामङा गुमी हेल्‍लो लोवो दु़म्‍पाम बाट्‌पा डोक्‍पु डु़म्‍लाचो़ दु़म्‍मिडिम बु।

हिब्रू 5:10

मेम्‍मा मल्‍कीसेदेककु खारी होम्‍साकाङा गुमीका बेम्‍डिम उनीमा खारीलाम माम्‍चु़नीका गुमीलाई डोक्‍पु डु़म्‍लाचो़ थुट्‌मिडी।

गलाती 4:3

आरेसाकाङा गुइ वो चो़च्‍चो़ बाइडिम थारीका मु़चु़मिमलाई त्‍वाकु ल्‍वाडा जु़ल्‍पा सु़म्‍दिसेरडा सीसिमिमकु डु़ल्‍चो़ दु़स्‍तिम बाइडा।

हिब्रू 7:10

हेङालोने मल्‍कीसेदेकका अब्राहामलाई क्रो़म्‍स्‍तु़लो लेवी ने गस्‍ताम मेबायावा, गु उमा बेप-पाप अब्राहामकु मिरो़मगोडाङा बाइडा।

हिब्रू 7:12

डु़म्‍लाचो़का बेपा खारी फान्‍सि माला डु़म्‍ला वो फान्‍सिमुङा बासी।

हिब्रू 7:13

गुइ ख्रीष्‍टकु दुथाम ल्‍वा बेत्तोङा बिइ। गुमी ने वाङमी दोचो़लाममिम सो़। उनीमा दोचो़गोडा सु़का वो डु़म्‍लाचो़कु खारी बु़डु़म मिबु।

हिब्रू 9:6

सेपाखोमगोनो खोत्‍ले आरेसाका बनेबेम्‍मा दु़स्‍थाल्‍ला। मेकोतिमा डु़म्‍लाचो़मिम पाखालाममिम सेपाखोमडा हेल्‍लो लोवो सो़रलोले बेप्‍डा लम्‍थाल्‍मिडी।