हिब्रू 6:9 - थुलुङ राई

⁹ द्‌वादीबुङ वा-ल्‍वाकनी, गुकु आरेसाका र्‍वाकु लोवो गानीडला आरेप्‍माम दु़म र्‍वाक्‍साका थो़र मेबोकु। लावो गानी सेल्‍सिनी मा हापा जो़पा ल्‍वामिम ल्‍वानी र्‍वाक्‍साका थो़र बोकु।

हिब्रू 6:9 Referans Kwoze

हिब्रू 10:39

गुइ ने चङथो़ स्‍वापा मा सिपामिम मेएँ, लावो थो़र लु़पा मा सेल्‍सिक्‍पामिम सो़।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

२ कोरिन्‍थी 7:10

माम्‍चु़नीकु न होम्‍साका न नो़ माला ने ओरामका मु़चु़लाई सेल्‍सिमु लागि उमा छु़ललाम माम्‍चु़नीडा ख्‍लोबेडु़। मेम्‍मिमका ओरामका सु़लाई वो मेखोर्सेडु़। लावो सु़म्‍दिसेरडाम ल्‍वाका न नो़ माला ओरामका सिमुलाम रेडु़।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

१ कोरिन्थी 10:14

मेम्‍मिमका आमा द्‌वादीबुङ वा-ल्‍वाकनी, ङाटा सेव सान्‍मुडाम वाङ बानी।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

२ पत्रुस 3:1

द्‌वादीबुङ ङोप्‍सो़नी, गानीलाई र्‍याक्‍तोम ओराम आमा ननोम सेलाखाजेम सो़। गानी जो़पा मिम्‍नी र्‍वाक्‍साका मिम्‍बेन्‍मु लागि सो हन्‍बेन्‍सामु निफिङा सेलाखाजेम गो गानीलाई र्‍याक्‍तोम।

१ यूहन्‍ना 2:7

द्‌वादीबुङ ङोप्‍सो़नी, गानी बोमु बासी र्‍वाक्‍साका र्‍याक्‍तोङा बेउमिम ओराम ल्‍वा लाम्‍दी सिपा लाले सीसि ने मेएँ, माके आथामङा गानीनुङ बाट्‌पा ल्‍वा सो़। माकेम ओराम ल्‍वा ने ङादो गानी थो़न्‍निम सिजेम सो़।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।