हिब्रू 6:5 - थुलुङ राई

⁵ माम्‍चु़नीकु जो़पा सिजेम ल्‍वापामिम, मा रोक्‍पा थारीकाम माम्‍चु़नीकु यु़मखारी ल्‍वापा

हिब्रू 6:5 Referans Kwoze

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

१ पत्रुस 2:3

ङाचो़ न-थो़मनुङमा बुमी र्‍वाक्‍पा गानी ल्‍वामु दु़म्‍निम बु।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

हिब्रू 2:5

गुइ ङादो आथाम र्‍वाक्‍तो बिइडिम, रोक्‍पा सु़म्‍दिसेर माम्‍चु़नीका पाह्रीचो़मिमकु साखामगोडा जु़ल्‍मिडिम मिबु।

मर्कूस 6:20

हेङालोने यूहन्‍ना जो़पा-नगोनुङमा नुङ सेपा मु़चु़ र्‍वाक्‍साका हेरोद गुनुङ ङिस्‍थाल्‍लाम बाइडा। मेम्‍मिमका गुका जो़होमका जु़ल्‍लु़म बाइडा। यूहन्‍नाकु सिजेम थो़स्‍थाल्‍लु़लो उ नडा हाम बोमु हाम बोमु दु़स्‍थाल्‍ला, लावो गेर्सिसाका ङा थो़स्‍थाल्‍लु़।

मत्ती 12:32

कोङनिमका मिनीचो़कु कोर्थो़लाम जेमिम ल्‍वा हेम्‍सी, लावो कोङनिमका माम्‍चु़नी-पेलकु कोर्थो़लाम जेस्‍ता माला मेराम ओम्‍लो नुङ दिफुम थारीका वो मेहेम्‍सी।

एफिसी 6:17

माम्‍चु़नीका सेल्‍निमिम ल्‍वा इनी बुइ बोपा-थार्पा सेलकु खुचु़खुम खुन्‍सिनिमिम होम्‍साका खुतासिट्‌नी। माम्‍चु़नी पेलका ग्‍वानिमिम कातु़रु़ बिम्‍तासिट्‌नी। मेराम कातु़रु़ ने माम्‍चु़नीकु सिजेम सो़।

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

हिब्रू 11:3

माम्‍चु़नीका जेम्‍डिमका खोत्‍ले सु़म्‍दिसेर प्रङ्‌सिड्‌डा, मेम्‍साका मिक्‍सीका ल्‍वासिक्‍पा हाम बु मेराम मिक्‍सीका मेल्‍वासीमिमलामका प्रङ्‌सिड्‌डाम बु र्‍वाक्‍साका गुइ थो़रलामकाङा थेसिथेडी।

१ पत्रुस 1:25

लावो ङाचो़कु सिजेम ने हेल्‍लो लोवो दु़महोम बु।” गानीलाई थो़बेट्‌मा जो़पा-सेलाकु सिजेम ओरामङा सो़।