हिब्रू 6:17 - थुलुङ राई

¹⁷ माम्‍चु़नीका ङादो याचे जेम्डिम ल्‍वा हेल्‍लो मेफान्‍सी र्‍वाक्‍साका मेराम ल्‍वा डार्पामिमलाई जो़होमका रेम्‍बेट्‍पा उनीमा न बाइडा। मेम्‍मिमका गुमीका कसम पेम्‍डी।

हिब्रू 6:17 Referans Kwoze

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

हिब्रू 11:9

थो़रकाङा माम्‍चु़नीका गुलाई ग्‍वानी र्‍वाक्‍साका याचे जेम्‍डिम बायडा वाङमी नेब्‍दीलाम रोक्‍पा मु़चु़ होप्‍माम दु़म्‍साका गु पाल गोडा बाइडा। मेम्‍साकाङा माम्‍चु़नीका इसहाक नुङ इसहाककु तारापाचो़ याकूबनुङ वो याचे जेम्‍डिम बाइडा मा मेर्चिप वो मेम्‍साकाङा पालगोडा बाच्‍ची।

यूहन्‍ना 10:10

“खुचु़वा ने खुप्‍डा, सेड्‌डा नुङ पुयु़ लुबेड्‌डा कोङङा रो। लावो गो ने मेर्मिमका त्‍वारो़म ल्‍वामिनु़, मा मे त्‍वारो़म हापा ल्‍वामिनु़ र्‍वाक्‍साका योङडो।

१ पत्रुस 3:7

वोचु़नी, मेम्‍साकाङा गानी इनीमा नाइमेनुङ दु़साका मा ख्‍लो़या-बाया बेबेसाका बानी। गानी इनी नाइमेलाई डोक्‍पु मिम्‍मु बासी। गानीडाम मेर्मिम मेचापा बुमी। लावो माम्‍चु़नीका गानीलाई निफिलाई कोलेङा आच्‍छाङाकाम त्‍वारो़म ग्‍वाक्‍निम बु। आरे बोनिमा गानी सो़म्‍दी बोनिलो भोपा हाम वो मेदु़म।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

हिब्रू 6:16

मु़चु़मिमका उनी त्‍वापडाम डोक्‍पु मु़चु़कु नङडा कसम पोमी मा खालबेपा ल्‍वामिम वो कसमलामकाङा हुम्‍सोमी।

हिब्रू 6:12

गानी भ्रेपा मेदु़म्‍नी, लावो माम्‍चु़नीका याचे जेम्‍डिम ल्‍वाडा थो़रलु़पा मा इम्‍सिसाका लथाट्‌मिडिम होप्‍माम गानी वो दु़म्‍नी र्‍वाक्‍पा आकीमा न बु।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

रोमी 11:29

माम्‍चु़नीका ग्‍वाम्‍डिम राप्‍लावा गुमीका मेख्‍लोमी, मा येट्‌मिडिम मु़चु़लाई हेल्‍लो वो मेङेन्‍मी।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।