हिब्रू 6:11 - थुलुङ राई

¹¹ आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

हिब्रू 6:11 Referans Kwoze

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

रेम्‍बेट्‌मिडिम ल्‍वा 2:26

मेजो़पाडला सु़ घ्‍ल्‍वा, मा गो बेबेत्तोम खारी उ हुक्‍पाथारीसम्‍म थो़रलु़इमिम दु़म्‍साका बु़होम बु, मेराम मु़चु़लाई हापा दोचो़डाम मु़चु़मिमडला साखाम थो़मु ग्‍वाक्‍पु।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

२ थेसलोनिकी 3:13

वा-ल्‍वाकनी, गानी ने आरेप्‍माम जो़पा खारी बोमुडा मेघ्रु़म्‍नी।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

१ थेसलोनिकी 4:10

खोत्‍ले माकेडोनियाडाम थो़रलु़पामिम खोत्‍लेलाई गानी आच्‍छाङा रिखाम बोनी। वा-ल्‍वाकनी, मेमकाङा आथावो हापा रिखाम बेत्तो लनी र्‍वाकु।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

फिलिप्‍पी 3:15

थो़रलु़सीडा गुइ डोक्‍पुमिम खोत्‍ले ने ओर्मिमकु दुथाम आरेसाका न जु़ल्‍मु बासी। कोङनिम ल्‍वाडा गानी वाङङा मिम्‍निम बु माला माम्‍चु़नीका गानीलाई जो़होमका थेसिथेन्‍बेनिमी।

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

मत्ती 24:13

लावो चङडासम्‍म थो़रलु़पाम बाट्‌पा मु़चु़ सेल्‍सी।

१ यूहन्‍ना 3:19

ओ इकीमा बेसी-पेसीलामका गुइ च, गुइ आच्‍छाङाकाम ल्‍वाडा बुइ। मेम्‍मिमका माम्‍चु़नीकु ङादोडा गुइ येम्‍सिडिलो इकीमा ङिम मेलु़।

कलस्‍सी 2:2

इनीमा सो हन्‍नु़ मा रिखाम बेबोमुडा कोले दु़म्‍नी र्‍वाक्‍साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्‍छाङाकाम सिजेम जो़होमका थेसिथेट्‌निम बु। मेम्मा माम्‍चु़नीकु थक्‍मा ल्‍वा ख्रीष्‍टकु दुथाम आच्‍छाङाका थेसिथेनिनु़ र्‍वाक्‍पा आमा न बु।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

गलाती 5:5

लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।

लूका 1:1

द्‍वादीबुङ ङाचो़ थियोफिलस, येशूकु दुथाम गुकुगोडा हा-हाम ल्‍वा दु़स्‍ताम बाइडा मेर्मिम खोत्‍ले ल्‍वाकु दुथाम हापा मु़चु़मिमका र्‍यामु माल्‍मिडी।