हिब्रू 5:5 - थुलुङ राई

⁵ येशू ख्रीष्‍टका वो डोक्‍पु डु़म्‍लाचो़ दु़म्‍मु लागि उनी त्‍वाका त्‍वापलाई डोक्‍पु बेम्‍डिम मेएँ, लावो माम्‍चु़नीका गुमीलाई थुट्‌मीडिम, “गाना आमा तारापाचो़ आनेप गो इमा पाप दु़म्‍ङोडोम बु।”

हिब्रू 5:5 Referans Kwoze

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

हिब्रू 1:5

माम्‍चु़नीका उनीमा कोङनिम पाह्रीचो़मिमलाई हेल्‍लो वो आरे मेर्‍वाक्‍मिवा, “गाना आमा तारापाचो़, आनेप आथाम गो इमा पाप दु़म्‍ङोडोम बु।”

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

थु़र्मा 13:33

माम्‍चु़नीका येशू सिमुलामका फक्‍साका ङादो र्‍वाम्‍डिम ल्‍वा ओम्‍लो गुइ उनी चो़-चु़सु़मिमकाडा रेन्‍थिम्‍डिम बु। ओरामकु दुथाम गुइ कोमु काम्‍सोमिमकु खाजेम ननोमडा डार्सी: ‘गाना आमा तारापाचो़, आनेप गो इमा पाप दु़म्‍ङोडोम बु।’

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

हिब्रू 1:1

माके-माके माम्‍चु़नी इकी बेप-पापमिमनुङ हापा खेप हापा खालका माम्‍चु़नीलाम-जेपामिमलामका जेम्‍डी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

हिब्रू 5:10

मेम्‍मा मल्‍कीसेदेककु खारी होम्‍साकाङा गुमीका बेम्‍डिम उनीमा खारीलाम माम्‍चु़नीका गुमीलाई डोक्‍पु डु़म्‍लाचो़ थुट्‌मिडी।