14 लावो डोमु मेझापा पोमुथोक ने डोक्पु मु़चु़मिमकाम लागि सो़ मा गुका जो़पा नुङ मेजो़पा ल्वा हाम र्वाक्साका छेमु चाप्सु़।
गानी हाम थो़न्नी मेराम छाम्नी। मेम्मा जो़पा हाम बु मेराम रनी।
मेम्मा इनीमा नगोडा माम्चु़नीकु ओल झ्वाबेसाका, माम्चु़नीका गानीलाई हाम ग्वामु लागि येट्निमिम, मा उनीमा मु़चु़मिमलाई ग्वानिनी र्वाम्डिम डोक्पु जि-वामिम,
मेमङा लोवो गुकु डोक्पु थो़रनुङमा मु़चु़मिम गोडा नेप्चीकु दुथाम जेकु, लावो ओराम सु़म्दिसेरडाम नेप्ची मेएँ मा ओराम सु़म्दिसेरडाम साखामचो़मिमकु नेप्ची वो मेएँ, मेर्मिमकु नेप्ची ने दाम्मा लल्या।
गुइ खोत्लेका ख्रीष्टडा बिइमिम इकी थो़रडा कोले दु़म्पा, माम्चु़नीकु तारापाचो़लाई आच्छाङा छेपा, थो़रडा आच्छाङा सोनुङमा दु़म्पा, मा ख्रीष्ट होप्मामङा दु़म्सिमिमसम्म बर्तो लक्सी।
थो़रलु़सीडा गुइ डोक्पुमिम खोत्ले ने ओर्मिमकु दुथाम आरेसाका न जु़ल्मु बासी। कोङनिम ल्वाडा गानी वाङङा मिम्निम बु माला माम्चु़नीका गानीलाई जो़होमका थेसिथेन्बेनिमी।
याक्के थो़रनुङमा मु़चु़लाई हुनाखाना बेनी, लावो गुका जेमिम ल्वाडा मुमा बेसाका रिबुसी मेकिट्नी।
मेम्मिमका पाह्रीला बाट्पा इनी पाप होङङा गानी वो खोत्ले खारी जो़पा बेनी।”
गुइ खोत्लेका हापा ल्वामिम ख्लो़डी। उहेमका गु जेमिम ल्वाडा मेख्लो़डु़ मेराम मु़चु़ जो़पा दु़म। मेप्माम मु़चु़का वाङमिम ल्वामिमडा वो मेख्लो़साका उ त्वापलाई जो़होमका जु़ल्मु चाप्सु़।
माम्चु़नीकु सो़रलोले मेदु़म्पा नुङ हाम ना हामकु ल्वामिमडाम वाङ बाया, मा माम्चु़नीकाम कोङङा सो़रलोले बोमु सीसा-चेसा।
मेम्मिमका ख्रीष्टकु दुथाममिम ङादो सीसिट्मा याक्केतो ल्वामिम डिसाका उनीमा दुथाममिम ल्वा थेट्पा नुङ बोमु चापा दु़म्नी। सिमुथो़ लक्पा खारीलाम ख्लोसिक्पा ल्वा,