हिब्रू 5:13 - थुलुङ राई

¹³ मामकु दु़दु़ कोङङा डुङु़ माला ने आथावो चो़च्‍चो़ङा दु़म। मेम्‍मिमका गु जो़पा मेजो़पा ल्‍वा हाम र्‍वाक्‍साका छेमु मेचापा दु़म।

हिब्रू 5:13 Referans Kwoze

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

२ तिमोथी 3:16

माम्‍चु़नीकु खोत्‍ले सिजेम माम्‍चु़नीकु सामलामका रोक्‍ताम सो़, मा सीमु, लु़म्‍ला बेन्‍मु, जो़पा बनेबोमु, माम्‍चु़नीकु न होम्‍साका दोबेन्‍मुडा ओराम ख्‍लो़पा बु।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

१ कोरिन्थी 3:1

वा-ल्‍वाकनी, गानीनुङ जेङडोलो माम्‍चु़नी-पेलनुङमा मु़चु़मिमनुङ जेङडोम होम्‍साका जेमु मेचापुवा, लावो सु़म्‍दिसेरडाम मु़चु़मिम, ख्रीष्‍टडा मालो गक्‍पा चो़च्‍चो़नुङ होम्‍साका जेङडो।

२ कोरिन्‍थी 3:9

मु़चु़लाई मुमा बेट्‌पा डु़म्‍लाकु खारी ने यु़म झ्‍वाक्‍पा बाइडा माला, मु़चु़मिमलाई माम्‍चु़नीकु ङादोडा जो़पा दु़म्‍बेट्‌पा खारी ने मेरामडाम वो हापा यु़म-झ्‍वाक्‍पा दु़म।

१ कोरिन्थी 13:11

चो़च्‍चो़ बाङडोलो चो़च्‍चो़ होप्‍माङा जेङ्‌थाल्‍ङोडो, चो़च्‍चो़ होप्‍माङा मिम्‍थाल्‍तो, चो़च्‍चो़ होप्‍माङा नडा र्‍वाङ्‌थाल्‍ङोडो। लावो ओम्‍लो गो स्‍वाला दु़म्‍ङोडो मा चो़च्‍चो़ होप्‍माम दु़म्‍सी ङेत्तो।

मर्कूस 10:15

आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

रोमी 2:20

नेप्‍ची मान्‍थिम मु़चु़मिमलाई सीपा, थेसिमेथेट्‍पामिमलाई सीपा गुकु ङा र्‍वानी। माम्‍चु़नीकु डु़म्‍ला गुकुनुङ बु मेम्मिमका सीसिमु बासिक्‍पा ल्‍वा खोत्‍ले गुकु चकु र्‍वाक्‍साका र्‍वानी।

२ यूहन्‍ना 1:11

उहेम मु़चु़का मेराम मु़चु़लाई सेव साडु़ गु वो मेरामकु खारीडा बासी।