हिब्रू 5:12 - थुलुङ राई

¹² ओम्‍लोसम्‍म ने गानी वाङमिमिमलाई सीमु चापा दु़म्‍मु बासिक्‍पा बाइडा। लावो आथावो गानीलाई कोङनिमका माम्‍चु़नीकु सिजेमकाम याक्‍के ल्‍वा सीमु बासिक्‍पा बु। गानी ने डोमु मेझापा पोमुथोक डोमु चापा दु़म्‍मु बासिक्‍पा बाइडा, लावो दु़दु़ डुपा चो़च्‍चो़ होप्‍मामङा बुनी।

हिब्रू 5:12 Referans Kwoze

हिब्रू 6:1

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

हिब्रू 5:13

मामकु दु़दु़ कोङङा डुङु़ माला ने आथावो चो़च्‍चो़ङा दु़म। मेम्‍मिमका गु जो़पा मेजो़पा ल्‍वा हाम र्‍वाक्‍साका छेमु मेचापा दु़म।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

१ कोरिन्थी 14:19

लावो मण्‍डलीडा सामामिमकु ल्‍वाडा को सङसङ ल्‍वा जेमुडाम ने वाङमिमलाई सीमु थेसिथेडिमिम ङोले कोङङा ल्‍वा जेमु न बेउ।

रोमी 3:2

मेर्मिमकाम लागि जो़पा दु़स्‍ताम ल्‍वामिम ने हापाङा बु। खोत्‍लेडाम ङादो माम्‍चु़नीका यहूदीमिमलाई उनी त्‍वाकु सिजेम ग्‍वाम्‍डी।

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

मर्कूस 9:19

येशूका मेर्मिमलाई र्‍वाम्‍डी, “ए थो़र मान्‍थिम मु़चु़नी! गो गानीनुङ हाङको बुङु मा? गो गानीलाई हाङको इम्‍मु? मेराम वोस्‍चो़लाई आसि फिट्‌नी।”

फिलिप्‍पी 3:1

हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

गलाती 4:3

आरेसाकाङा गुइ वो चो़च्‍चो़ बाइडिम थारीका मु़चु़मिमलाई त्‍वाकु ल्‍वाडा जु़ल्‍पा सु़म्‍दिसेरडा सीसिमिमकु डु़ल्‍चो़ दु़स्‍तिम बाइडा।

हिब्रू 5:11

ओरामकु दुथाम हापा र्‍वामु बासिक्‍पा ल्‍वा बु, लावो गानी थेसिमेथेट्‌पा बुनिमिमका थेसिथेन्‍बेन्‍मु मेझापा बु।

हिब्रू 10:32

आच्‍छाङाकाम सिजेमलामका गानीडा ओल दो़स्‍ताम मे ङादोम नेममिम मिम्‍नी, मेकोतिलो गानी हापा दु़खा ल्‍वान्‍नी लोवो थो़रलु़न्‍निमङा बान्‍नी।