हिब्रू 5:11 - थुलुङ राई

¹¹ ओरामकु दुथाम हापा र्‍वामु बासिक्‍पा ल्‍वा बु, लावो गानी थेसिमेथेट्‌पा बुनिमिमका थेसिथेन्‍बेन्‍मु मेझापा बु।

हिब्रू 5:11 Referans Kwoze

मत्ती 13:15

हेङालोने मु़चु़मिमकु न-गो थेसिमेथेट्‌पा दु़स्‍ताम बु, मा मेर्मिमकु नोफ्‍ला मेथो़पा दु़स्‍ताम बु, मा मेर्मिमका उनी मिक्‍सी क्रिम्‍मिडिम बु, मेएँ माला ने मेर्मिमका मिक्‍सीका ल्‍वामिवा, नोफ्‍लाका थो़मिवा, उनी न-गोका थेसिथेट्‌मिवामा ख्‍लोम्‍सिप्‍मिवा, मा गो मेर्मिमलाई सबेट्‌पुमिवा।’

२ पत्रुस 3:16

उमा खोत्‍ले सेलाखाजेमडा गुका ओर्मिम ल्‍वाङा र्‍याक्‍तु़म बु। उमा सेलाखाजेम गोडा याङ ल्‍वा थेसिथेन्‍मु मेझापा बु। मेसीसिपा नुङ याक्‍के थो़रनुङमा मु़चु़मिमका मेरामलाई माम्‍चु़नीकु याङ सिजेम होङङा कोर्थो़ हेर्मिडिम बु। आरेसाका मेर्मिमका उनी त्‍वापलाई पुयु़लुबेन्‍मी।

थु़र्मा 28:27

हेङालोने ओर्मिम मु़चु़कु न-गो लुङ होप्‍माम दु़स्‍ताम बु, मा मेर्मिमकु नोफ्‍ला मेथो़पा दु़स्‍ताम बु, मा मेर्मिमका उनी मिक्‍सी क्रिम्मिडिम बु, मेएँ माला ने मेर्मिमका उनी मिक्‍सीका ल्‍वामिवा, नोफ्‍लाका थो़मिवा, न-गोका थेसिथेट्‌मिवा, मा ख्‍लोम्‍सिट्‌मिवा, मेम्‍मा गो मेर्मिमलाई सबेट्‌पुमिवा।’

यूहन्‍ना 16:12

“गो गानीलाई र्‍वामु बासिक्‍पा ल्‍वा ने आथावो बु, लावो मेराम ओम्‍लो गानी इनीमा नडा लु़न्‍बेन्‍मु मेचाम्‍नी।

यूहन्‍ना 6:6

गुमीका मेरामकु न छाम्‍मु लागि आरे र्‍वाम्‍डिम बाइडा, हेङालोने गुमीका हाम बोमु खाप्‍मिडिम मेराम चम्‍डिम बाइडा।

लूका 24:25

येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।

मर्कूस 8:21

गुमीका मेर्मिमलाई र्‍वाम्‍डी, “मा वो गानी आथावो थेसिमेथेट्‌निवाम?”

हिब्रू 5:10

मेम्‍मा मल्‍कीसेदेककु खारी होम्‍साकाङा गुमीका बेम्‍डिम उनीमा खारीलाम माम्‍चु़नीका गुमीलाई डोक्‍पु डु़म्‍लाचो़ थुट्‌मिडी।

हिब्रू 5:12

ओम्‍लोसम्‍म ने गानी वाङमिमिमलाई सीमु चापा दु़म्‍मु बासिक्‍पा बाइडा। लावो आथावो गानीलाई कोङनिमका माम्‍चु़नीकु सिजेमकाम याक्‍के ल्‍वा सीमु बासिक्‍पा बु। गानी ने डोमु मेझापा पोमुथोक डोमु चापा दु़म्‍मु बासिक्‍पा बाइडा, लावो दु़दु़ डुपा चो़च्‍चो़ होप्‍मामङा बुनी।