हिब्रू 4:2 - थुलुङ राई

² गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।

हिब्रू 4:2 Referans Kwoze

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

हिब्रू 11:6

थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

रोमी 2:25

डु़म्‍ला होम्‍साका दोनी माला ने खिरिरि क्रिप्‍सी आच्‍छाङा जो़पा ङा दु़म, लावो डु़म्‍ला होम्‍साका मेदोनी माला गानी खिरिरि क्रिप्‍सी बोनिमिम वो खिरिरि क्रिप्‍सी मेबोनिमिम कोतिमङा दु़म।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

हिब्रू 4:6

आथावो कोङ कोङ मु़चु़मिम बुमी मेर्मिम ने उनीमा ङेसिक्‍पा खोमगोनो हुमु ल्‍वामी। लावो माके जो़पा-सेला थो़पामिम ने र्‍वाकिमिम मेथो़पा दु़म्‍मिडिमका माम्‍चु़नीकु ङेसिक्‍पा खोमगोनो हुमु मेल्‍वामिवा।

१ कोरिन्थी 13:3

गो खोत्‍ले आ खाप्‍ची उनी हाम वो मेबाट्‌पामिमलाई दो़उसाक्‍पुमी, मा आमा मिरो़म चामु ग्‍वाक्‍पु, लावो आगोनो रिखाम मिबु माला गो हाम वो मेल्‍वाउ।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

गलाती 4:13

गानी ओराम ल्‍वा ने चनिमङा बु, खोत्‍लेडाम ङादो इनीमाडा जो़पा-सेला थो़बेट्‌निनिलो गो नो़पा बाङ्‌डो।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

रोमी 3:3

लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

गलाती 3:2

गानीनुङ गो कोले कोङङा ल्‍वा हिलाबेपा न बु, माम्‍चु़नी-पेल गानी डु़म्‍ला होम्‍साका खारी बेसाका ल्‍वान्‍निम डे, जो़पा-सेलाडा थो़र लु़साका ल्‍वान्‍निम डे?