Biblia Todo Logo
Bib sou entènèt

- Piblisite -




हिब्रू 4:12 - थुलुङ राई

12 माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

Gade chapit la Kopi




हिब्रू 4:12
42 Referans Kwoze  

माम्‍चु़नीका सेल्‍निमिम ल्‍वा इनी बुइ बोपा-थार्पा सेलकु खुचु़खुम खुन्‍सिनिमिम होम्‍साका खुतासिट्‌नी। माम्‍चु़नी पेलका ग्‍वानिमिम कातु़रु़ बिम्‍तासिट्‌नी। मेराम कातु़रु़ ने माम्‍चु़नीकु सिजेम सो़।


सिपा भ्रल मेएँ लावो मेसिपा भ्रल, हेल्‍लो वो मेसिपा मा हेल्‍लो लोवो दु़म्‍पाम बाट्‌पा माम्‍चु़नीकु सिजेमलामका गानी आथावो गक्‍निम बु।


उनीमा जो़प ल्‍वालाम येतले सोरलुङमिम जेन्‍थाम्‍डी, मा उनीमा सिलामका नलेलाम फल्‍खोप बाट्‌पा हन्‍पा कातु़रु़ लुक्‍ता। उनीमा ङाली नेम्‍फुम नेम्‍सुङ होप्‍माम छो़म झ्‍वाक्‍पा बाइडा।


माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।


जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।


उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।


लावो ओल मेर्मिमडला झ्‍वालो, मेर्मिमकु खारी हाङको छो़म मेजो़पा बु र्‍वाक्‍पा छ्‌याङलो छ्‌याङलो दो़।


“ओराम सीसि-सो़म्‍दीका र्‍वाक्‍ताम भ्रल ने माम्‍चु़नीकु सिजेम सो़।


त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”


मेर्मिमगोडाम याङलाई मे बुबुयाम घोडाडला हुपाकु सिलामका लुक्‍पा कातु़रु़का सेड्‌डु़मी। मेम्‍मा खोत्‍ले चक्‍पुमिमका मेर्मिमकु रो़मसो़ खोहोम पेम्‍डी।


मेम्‍मिमका माम्‍चु़नीथो़ ख्‍लोन्‍सिट्‌नी। मेएँ माला ने गो इमाडा दालाङा रोङु मा आमा सिलामका लुक्‍पा कातु़रु़का मे निकोलाइटसमिमकु कोर्थो़लाम बङुमा क्‍वाल्‍बा बेउ।


गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।


आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।


ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।


मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।


मेम्‍मा निया बोमु साखाम ग्‍वाक्‍मा मु़चु़मिम साखाम थो़पा गन्‍खोपमिमडा गन्‍तासिट्‌पा गो ल्‍वाउतोमी। मेम्‍मा येशूका थेसिथेन्‍बेट्‌मिडिम सीसि नुङ माम्‍चु़नीकु सिजेम जेम्‍डिमका उनी बुइ क्रिप्‍साका सेट्‌मिडिम मेर्मिमकु पेल वो गो ल्‍वाउतो। मेर्मिमका मे हादीबारा ना उ ङाटा हाम वो सेव साट्‌मिडिम मेबायावा, मा उनी कुप्‍पीडा ना ल्‍वाड्‌डा मेरामकु छाप मेरमिवाम बाइडा। मेर्मिम नु़मबम्‍डी मा ख्रीष्‍टनुङ को धु़म सङ थ साखाम थो़ट्‌मिडी।


न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।


गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।


गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।


वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।


लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।


मेर्मिमका ओराम थो़म्‍डिमा छो़म उनी छोक्‍चो बक्‍ता, मा थु़र्मामिमलाई सेन्‍मु न बेम्‍डी।


गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।


इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।


गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,


माम्‍चु़नीकु जो़पा सिजेम ल्‍वापामिम, मा रोक्‍पा थारीकाम माम्‍चु़नीकु यु़मखारी ल्‍वापा


Swiv nou:

Piblisite


Piblisite