हिब्रू 4:11 - थुलुङ राई

¹¹ मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 4:11 Referans Kwoze

हिब्रू 3:18

“मेर्मिम गोनुङङा ङेसिक्‍पा बायडा हुमु मेल्‍वामी” र्‍वाक्‍साका माम्‍चु़नीका कसम पेम्‍डिम बाइडा। मेराम ल्‍वा मे लु़म्‍ला मेबेडिचो़मिमलाईङा र्‍वाम्‍डिम मेएँ मा?

लूका 13:24

“माम्‍चु़नीकु किब्‍दीगोडा हुपा कतिभापा लाम्‍चोकोलाम मेचाप्‍तो हुनी, हेङालोने हापा मु़चु़मिमका मेगोनो हुमु माल्‍मी, लावो हुमु मेचाम्‍मी।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

कलस्‍सी 3:6

आरेप्‍माम मेजो़पा खारीका माम्‍चु़नीका र्‍वामिमिम मेथो़पामिमडला गुमीका छो़म डोक्‍पु छोक्‍चो रेम्‍बोमी।

थु़र्मा 26:19

“मेम्‍मिमका हप अग्रिपास, पाह्रीलाममिम मिक्‍सीलामडा ल्‍वाउतोम होङङा गो खारी बेउतो।

लूका 16:16

“कु-रु़दु़म ग्‍वाक्‍पा यूहन्‍ना रोमु ङादोसम्‍म मोशाकु डु़म्‍ला नुङ माम्‍चु़नीलाम-जेपामिमकु सिजेमका गानीलाई क्रिन्‍निम बाइडा। लावो ओम्‍लो माम्‍चु़नीकु किब्‍दीकु दुथाम जो़पा-सेला गो थो़बेत्तोमिम बु, मा खोत्‍ले मु़चु़मिम माम्‍चु़नीकु किब्‍दीगोडा चाप्‍तो मेचाप्‍तो हुमु माल्‍तोङा बोमी।

मत्ती 11:12

कु-रु़दु़म ग्‍वाक्‍पा यूहन्‍ना बाइडालो आथाम ओम्‍लोसम्‍म पाह्री-किब्‍दी छो़मका बर्तोङा लेडु़, मा छो़म माल्‍तोङा लेट्‍पामिम ओरामगोनो हुत्तो लेन्‍मी।

मत्ती 7:13

“कोतिभापा लाम्‍चोकोलाम माम्‍चु़नीकु किब्‍दीगोनो हुनी। पुयु़ लुक्‍पा खोमडा रेथिक्‍पा लाम्‍दी भापा दु़म, मा लाम्‍चोको डोक्‍पु बु, मा मेरामलामका हुपा मु़चु़मिम हापा बुमी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

हिब्रू 4:6

आथावो कोङ कोङ मु़चु़मिम बुमी मेर्मिम ने उनीमा ङेसिक्‍पा खोमगोनो हुमु ल्‍वामी। लावो माके जो़पा-सेला थो़पामिम ने र्‍वाकिमिम मेथो़पा दु़म्‍मिडिमका माम्‍चु़नीकु ङेसिक्‍पा खोमगोनो हुमु मेल्‍वामिवा।

२ पत्रुस 2:6

गुमीका सदोम नुङ गमोरा शहरलाई देन्‍दे ग्‍वाक्‍साका बुलु़ वाबेट्‌मिडी मा फोका बनेम्‍डी। मेम्‍मा माम्‍चु़नीकु लाम्‍दीडा मेलाम्दिपा मु़चु़ हे दु़म र्‍वाक्‍पा मेराम रेम्‍बेम्‍डी।