हिब्रू 4:1 - थुलुङ राई

¹ माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

हिब्रू 4:1 Referans Kwoze

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 4:9

माम्‍चु़नी येत्‍नोम नेम ङेम्‍सिम्‍डिम होम्‍साकाङा माम्‍चु़नीकु मु़चु़मिमकाम लागि वो ङेसिक्‍पा नेम जु़ल्मिडिम बु।

हिब्रू 13:7

गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।

२ तिमोथी 2:13

गुइ थो़रमेलु़पा बुइ लोवो, गुमी थो़रलु़इमिम दु़म्‍मी, हेङालोने गुमीका उनी त्‍वापलाई लिमा थेन्‍मु मेचाम्‍मी।

१ कोरिन्थी 10:12

गानी जो़होमका येम्‍सिक्‍पा बुङु र्‍वाक्‍पा मिम्‍नी माला चङचङया बानी, मेएँ माला ने तामु वो चाम्‍नी।

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

रोमी 3:23

खोत्‍ले मु़चु़मिमका छु़ल बेम्‍डिमका माम्‍चु़नीकु यु़म-झ्‍वाक्‍सीलामका होनोवा दु़म्‍मिडिम बु।

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

हिब्रू 3:11

आमा छोक्‍चो बक्‍तामका गो कसम पेउतोमा र्‍वाङडो, ‘गो मुलु़ बेउतोम आमा ङेसिक्‍पा बायडा मेर्मिम हेल्‍लो वो हुमु मेल्‍वामी’।”

मत्ती 24:48

लावो मे मेजो़पा डु़ल्‍चो़का ‘आमा नेमहप दाला मेख्‍लोसी’ र्‍वाक्‍पा मिम्‍सी,

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।