हिब्रू 3:7 - थुलुङ राई

⁷ मेम्‍मिमका माम्‍चु़नी-पेलका आरे र्‍वामी, “आनेप गानी माम्‍चु़नीकु लो़लाम थो़न्‍नि माला,

हिब्रू 3:7 Referans Kwoze

हिब्रू 3:15

माम्‍चु़नीकु सिजेमडा र्‍याक्‍मा बु: “आनेप गानी माम्‍चु़नीकु लो़लाम थो़न्‍नी माला इनीमा बेप-पापमिम माम्‍चु़नीकु कोर्थो़लाम बम्‍डिम होम्‍साका गानी लु़म्‍ला मेबेडिचो़ मेदु़म्‍नी।”

रेम्‍बेट्‌मिडिम ल्‍वा 3:20

थो़सा, गो लाम्‍चोकोडा येम्‍सिङुमा हेला बेउ। कोङनिमका आमा लो़लाम थो़सु़मा लाम्‍चोको होलु़ माला गो मेगोनो बिङु मा गुनुङ पोचुकु-डुचुकु मा गुका गोनुङ पु़।

हिब्रू 4:7

आथावो माम्‍चु़नीका कोलेम नेमलाई “आनेप” र्‍वाक्‍साका फ्‍वाक्‍मिडी, मा माम्‍चु़नीका ङादो र्‍वाम्‍डिम होम्‍साका हापा थारी चङडा दाऊदलामका आथावो जेम्‍डी, “माम्‍चु़नीकु लो़लाम थो़न्‍नी माला, लु़म्‍ला मेबेडिचो़ मेदु़म्‍नी।”

यूहन्‍ना 10:27

“आमा भेन्‍दामिमका आमा लो़लाम थो़मी, मेर्मिमलाई गो छेपुमी। मेम्‍मा मेर्मिम आमा चङचङ लाम्‍दिमी।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

यूहन्‍ना 10:3

लाम्‍चोको लपा मु़चु़का रेपा-क्रिपा मु़चु़काम लागि लाम्‍चोको होल्‍साडु़, मा भेन्‍दामिमका उमा लो़लाम थो़मी। गुका उमा भेन्‍दामिमलाई नङलामका येडु़मी, मा पाखाथो़ क्रियु़मी।

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

२ पत्रुस 1:21

हेङालोने माम्‍चु़नीलाममिम जेसी हेल्‍लो वो मु़चु़कु नलामका लुक्‍ताम मेएँ, लावो माम्‍चु़नी-पेलका जेबेट्‌मिडिमा मु़चु़मिमका माम्‍चु़नीलाम जेम्‍डिम बाइडा।

हिब्रू 9:8

सेपा बाखोपकाम पाखालाममिम सेपाखोम बुमिमसम्‍म गोलाममिम खोत्‍लेडाम डोक्‍पु सेपाखोमगोनो हुपा लाम्‍दी मेहोल्‍सी र्‍वाक्‍साका माम्‍चु़नी-पेलका रेम्‍बोमी।

मत्ती 22:43

गुमीका मेर्मिमलाई र्‍वाम्‍डी, “मेम माला हेसाका माम्‍चु़नी-पेललाम दाऊदका ख्रीष्‍टलाई ‘आमा ङाचो़’ र्‍वाबेट्‌मिडी? हेङालोने दाऊदका आरेसाका र्‍वाक्‍ताम बु,

थु़र्मा 28:25

मेर्मिम उनी त्‍वाप-त्‍वापडा ङा गो फ दु़म्‍मिडी, मा मेलाम ब्‍र्‍वाम्‍सिमु खाप्‍मिडिलो मेर्मिमनुङ पावलका ओराम कोले ल्‍वा र्‍वाक्‍ता, “इनीमा ङाउ-खुउलाई माम्‍चु़नीलाम-जेपा यशैयाकु सिलामका माम्‍चु़नी-पेलका र्‍वाम्‍डिम ल्‍वा आच्‍छाङा रेछा:

मर्कूस 12:36

हेङालोने माम्‍चु़नी-पेलका थो़ड्‌डु़लो दाऊदका र्‍वाक्‍ता, ‘मिप्रङमा माम्‍चु़नीका आ माम्‍चु़नीलाई र्‍वाम्‍डी, “गो इ स्वाक्‍चिमोमिमलाई इ फेमखेलगोयु़ मेबेथु़म गाना आ जो़पलामका बाया”।’

थु़र्मा 1:16

“वा-ल्‍वाकनी, माम्‍चु़नीकु सिजेम रोम्‍थिमुङा बासिट्‌पा बाइडा, मेराम सिजेम येशू चु़म्‍पामिमलाई क्रिपा यहूदाकु दुथाम दाऊदकु सिलाम ङादो ङा माम्‍चु़नी-पेलका जेम्‍डिम बाइडा।

थु़र्मा 8:29

मेकोतिमा माम्‍चु़नी-पेलका फिलिपनुङ र्‍वाम्‍डी, “लक्‍सामा मेराम रथडलाम मु़चु़लाई क्रो़म्‍डा।”

हिब्रू 10:15

माम्‍चु़नी-पेलका वो ओरामकु दुथाम सो़मी। ङादो गुमीका आरे र्‍वामी,