हिब्रू 3:2 - थुलुङ राई

² मोशा माम्‍चु़नीकु नेमडाम मु़चु़मिम गोडा थो़रलु़इमिम दु़स्‍ताम होङ्‍ङा येशू वो गुमीलाई थुट्‌पा माम्‍चु़नीडा थो़रलु़इमिम बाम्‍डी।

हिब्रू 3:2 Referans Kwoze

१ तिमोथी 3:15

गो रोमु छु़ङ्‌डो माला माम्‍चु़नीकु नेमडा गाना हा-हाम बोमु बासी ओरामलामका थेना। ओराम नेम र्‍वाक्‍मा हेल्‍लो लोवो बुमिमिम माम्‍चु़नीकु मण्‍डली, माम्‍चु़नीलाम रोक्‍पा आच्‍छाङाकु सिजेम झेथाक्‍पा नुङ बाट्‌पाम बाट्‌पा थो़र लु़पामिम सो़।

एफिसी 2:22

गानी वो ख्रीष्‍टनुङ कोदेप दु़म्‍साका वाङमिम खोत्‍लेनुङ कोयोङा माम्‍चु़नी-पेललामका माम्‍चु़नी बाट्‍पा खोम दु़म्‍तो लक्‍नी।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

यूहन्‍ना 17:4

गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

१ तिमोथी 1:12

इकीमा ङाचो़ येशू ख्रीष्‍टलाई आलासो़ र्‍वाङु, हेङालोने गुमीका गोलाई थो़र लु़इमिम मिम्‍ङिडिमिमा उनी लाले-पाङकेकु खारी बोमु थुट्‌ङिडिमिमा यु़म वो ग्‍वाङ्‌डिमी।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

यूहन्‍ना 8:29

गोलाई थु़र्पा गुमी गोनुङ बुमी। गुमीका गोलाई त्‍वापङा पार्जो़ल्‍ङिडिमिम मिबु, गुमीलाई गेर्सीबेट्‌पा खारी गो हेल्‍लो लोवो बेउ।”

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।