हिब्रू 3:19 - थुलुङ राई

¹⁹ मेम्‍मिमका गुइ चडिम बु, मेर्मिमका माम्‍चु़नीडा थो़र मेलु़मिवामकाङा ङेसिक्‍पा खोमडा हुमु मेल्‍वामिवा।

हिब्रू 3:19 Referans Kwoze

यहूदा 1:5

गानी ओर्मिम खोत्‍ले ल्‍वा चक्‍निमङा बु लोवो गो गानीलाई मिम्‍बेनिनी। येशूका उनी मु़चु़मिमलाई मिश्र नेब्‍दीलामका फ्‍वाक्‍मिडिमा फिट्‌मिडी, लावो थो़रमेलु़पामिमलाई पुयु़लुबेट्‌मिडी।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

२ थेसलोनिकी 2:12

मेम्‍मिमका येशू ख्रीष्‍टकु दुथाममिम आच्‍छाङाकु ल्‍वाडा थो़र मेलु़पा, लावो मेजो़पा ल्‍वाडा भ्रसिक्‍पा खोत्‍ले मु़चु़लाई माम्‍चु़नीका मुमा बेन्‍मी।

रोमी 11:23

इस्राएलीमिमका माम्‍चु़नीडा थो़र बेसाका उनीमा छु़ललाम ख्‍लोसिमी माला ङादोम खोमडाम ग्रेम होप्‍माम ङा दु़म्‍मी। हेङालोने माम्‍चु़नीका आथावो मेर्मिमलाई ङादोम ग्रेम होप्‍माम ङा दु़म्‍बेन्‍मु चाम्‍मी।

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।