हिब्रू 3:14 - थुलुङ राई

¹⁴ गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

हिब्रू 3:14 Referans Kwoze

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।

हिब्रू 12:10

इकीमा पापमिमका जो़पा लु़म्‍डिम होङङा गुइलाई कति दु़पा सीसाड्‌डामी-चेसाड्‌डामी। लावो माम्‍चु़नी पापका ने इकीमा लागि हेल्‍लो लोवो जो़पा दु़म्‍नु़ मा गुमी होप्‍मामङा सेपा दु़म्‍मु चाप्‍सिनु़ र्‍वाक्‍साका गुइलाई सीसामी-चेसामी।

हिब्रू 6:4

माम्‍चु़नीलाम ओल ल्‍वापामिम, माम्‍चु़नीलाममिम राप्‍लावा दो़पामिम, माम्‍चु़नी-पेल ल्‍वापामिम,

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

रोमी 11:17

कोङनिम यहूदीमिम जो़पा जैतूनकु दक्‍सालाम फल्‍मामा घ्रोक्‍मा ग्रेम होप्‍माम बुमी। लावो गानी वाङसामामिम ने सो़ब्‍दीडाम जैतून होप्‍माम लोवो जो़पा जैतूनकु ग्रेमडा केप्‍साका कोले ङा दु़म्‍निम बु। आथा ने गानी कोलेङा दक्‍साकु फारलामका यु़म नुङ त्‍वारो़म ल्‍वानी।

१ कोरिन्थी 10:17

गुइ सेर्पा लोवो खोत्‍लेका कोलेङा सो़बेम दो़स्‍तीमा पिइडिमका गुइ खोत्‍ले कोलेङा मिरो़म र्‍वाक्‍पा रेम्‍बु़।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

१ तिमोथी 6:2

थो़रलु़सीडा वा-ल्‍वाक दु़म्‍निमका थो़र लु़पा डु़ल्‍चो़मिमका नेमहपमिमलाई कि-कि वो याक्‍के मेबोमिनु़। मेम मेबेसाका, मेर्मिमका नेमहपमिमकाम छो़म जो़होमका खारी बोमिनु़, हेङालोने नेमहपमिमलाई जो़पा दु़म्‍मु ने त्‍वाकु द्‌वादीबुङ थो़र लु़पामिमलाई जो़पा दु़म्‍मु सो़। आरे बेबेडामिमा मेर्मिमलाई सीडामी।

१ कोरिन्थी 9:23

जो़पा-सेलाकु जि-वामिमकाम दो़दो़वा ल्‍वाउनु़ र्‍वाक्‍साका गो ओर्मिम खोत्‍ले बेउ।

रोमी 11:22

मेम्‍मिमका माम्‍चु़नी न-थो़मनुङमा बुमी मा गुमीका र्‍वामिमिम होङङा मेबेपामिमलाई देन्‍दे ग्‍वामी र्‍वाक्‍पा ल्‍वा जो़होमका मिम्‍नी। लावो माम्‍चु़नीकु दिदामगोडा बुनिम बुनी माला गानीडला उनीमा न-थो़म रेम्‍बोमी मेएँ माला गानी वो क्रिम्‍ला सो़सिनी।

हिब्रू 11:1

थो़र ने हाम-हुम ल्‍वापा न बिइमिम आच्‍छाङा दु़म र्‍वाक्‍पा नुङ मिक्‍सीका मेल्‍वासिमिम ल्‍वा दु़मङा र्‍वाक्‍पा सो़।