हिब्रू 3:13 - थुलुङ राई

¹³ हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

हिब्रू 3:13 Referans Kwoze

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

१ थेसलोनिकी 4:18

मेम्‍मिमका ओर्मिम ल्‍वाका खोत्‍लेकाम सो हन्‍बेबेनी।

रोमी 7:11

छु़लका डु़म्‍लागोडाम ल्‍वाकु खाप रेप्‍डु़मा गोलाई लु-फेले बु़डु़। आरेसाका गोलाई डु़म्‍लालाम सेट्‌ङिडी।

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

याकूब 1:14

लावो खोत्‍ले मु़चु़मिम त्‍वाकु मेजो़पा नकाङा रारी बेसाका न छाम्‍ला सो़म्‍सिमी,

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।