हिब्रू 3:12 - थुलुङ राई

¹² थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

हिब्रू 3:12 Referans Kwoze

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

१ कोरिन्थी 10:12

गानी जो़होमका येम्‍सिक्‍पा बुङु र्‍वाक्‍पा मिम्‍नी माला चङचङया बानी, मेएँ माला ने तामु वो चाम्‍नी।

हिब्रू 10:38

लावो आमा मिक्‍सीलामडा जो़पा दु़म्‍पा मु़चु़ ने थो़र बु़डु़मका मेसि, मा चङथो़ स्‍वा माला ने गो मेरामडाम मेगेर्सिङु।”

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

हिब्रू 3:10

मेम्‍मिमका गो मेर्मिम मु़चु़डाम छो़म आमा छोक्‍चो बक्‍ता। मेम्‍मा र्‍वाङडो, ‘मेर्मिम मु़चु़मिम हेल्‍लो लोवो गोडाम होनोवा बुमी। मेर्मिम गो र्‍वाङ्‌डोम लाम्‍दीडा लाम्‍दिमु मेबिम्‍सिप्‍मिवा।’

मर्कूस 13:33

गो र्‍वाङुमिम जो़होमका थो़नी, मा चङचङया बानी वो! हेङालोने मेराम थारी हाम्‍सिका रोफा र्‍वाक्‍पा गानी मेचनी।

मत्ती 24:4

मेकोतिमा गुमीका मेर्मिमलाई र्‍वाम्‍डी, “चङचङया बानी वो, सु़कावो गानीलाई ताङताहेरथो़ मेलनिमिनु़।

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

रोमी 11:21

हेङालोने माम्‍चु़नीका जो़पा जैतूनकु ग्रेम ने फल्‍मिडी माला गानीलाई वो मेडिनिमी।

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

मर्कूस 13:23

रेप्‍नी, गो गानीलाई ङादो ङा खोत्‍लेमथोक र्‍वाङडोम बु, मेम्‍मिमका चङचङया बानी वो।

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

हिब्रू 3:19

मेम्‍मिमका गुइ चडिम बु, मेर्मिमका माम्‍चु़नीडा थो़र मेलु़मिवामकाङा ङेसिक्‍पा खोमडा हुमु मेल्‍वामिवा।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

हिब्रू 10:31

हेल्‍लो लोवो दु़म्‍पाम बाट्‌पा माम्‍चु़नीलाम देन्‍दे ल्‍वामु ने ङिमलु़पा ल्‍वा सो़।

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।