हिब्रू 3:1 - थुलुङ राई

¹ गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

हिब्रू 3:1 Referans Kwoze

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

फिलिप्‍पी 3:14

गो पुरस्‍कार घ्‍ल्‍वामु लागि मेरामथो़ उन्‍सिङु। मेरामकाम लागि ख्रीष्‍ट येशूडा माम्‍चु़नीका पाह्रीला येट्‌ङिडिमिम बु।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

हिब्रू 10:21

माम्‍चु़नीकु नेमगोडा साखाम थो़पा इकीमा कोले डोक्‍पु डु़म्‍लाचो़ बुमिमिमका,

एफिसी 4:4

माम्‍चु़नीका गुइलाई कोलेङा जो़पा ल्‍वा ल्‍वामुकाम लागि येसाड्‌डामी, मेम्‍साका गुइ ख्रीष्‍टडा दु़म्‍पामिम खोत्‍ले कोले मिरो़म सो़ मा माम्‍चु़नी-पेल वो कोलेङा बुमी।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

१ कोरिन्थी 9:23

जो़पा-सेलाकु जि-वामिमकाम दो़दो़वा ल्‍वाउनु़ र्‍वाक्‍साका गो ओर्मिम खोत्‍ले बेउ।

२ तिमोथी 2:7

गो हाम र्‍वाक्‍तोङा बेउ मेराम ल्‍वा जो़होमका मिम्‍डा, खोत्‍ले थेसिथेट्‌पा नेप्‍ची माम्‍चु़नीका गानालाई ग्‍वानामी।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

हिब्रू 2:11

येशू, उहेमका मु़चु़मिमलाई सेपा दु़म्‍बेन्‍मी मा मे सेपा दु़म्‍पामिम खोत्‍ले कोले पापकु चो़मिमङा सो़। मेम्‍मिमका मेर्मिमलाई आमा वा-ल्‍वाक र्‍वामु येशूलाई उनी क्रो़म मेलु़।

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

१ तिमोथी 6:2

थो़रलु़सीडा वा-ल्‍वाक दु़म्‍निमका थो़र लु़पा डु़ल्‍चो़मिमका नेमहपमिमलाई कि-कि वो याक्‍के मेबोमिनु़। मेम मेबेसाका, मेर्मिमका नेमहपमिमकाम छो़म जो़होमका खारी बोमिनु़, हेङालोने नेमहपमिमलाई जो़पा दु़म्‍मु ने त्‍वाकु द्‌वादीबुङ थो़र लु़पामिमलाई जो़पा दु़म्‍मु सो़। आरे बेबेडामिमा मेर्मिमलाई सीडामी।

२ थेसलोनिकी 2:14

गुकु गानीलाई थो़बेत्तोकोम जो़पा-सेलालामका सेल्‍सिमु लागि माम्‍चु़नीका येट्‌निम बु। गानी वो इकीमा ङाचो़ येशू ख्रीष्‍टकु यु़म-झ्‍वाक्‍सीकाम दो़दो़वा डार्नी।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

१ थेसलोनिकी 5:27

ङाचो़ येशूकु ङादोडा गो गानीलाई र्‍वाङु, ओराम सेलाखाजेम डाट्नीमा खोत्‍ले वा-ल्‍वाकमिमलाई थो़बेट्‌नी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

कलस्‍सी 1:22

लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

२ कोरिन्‍थी 1:7

गुकु दु़खा ल्‍वात्तोकोम होङङा गानी वो दु़खा ल्‍वानी माला, माम्‍चु़नीका आकीमा न बसाक्‍तिकिमिम होङङा इनीमा वो न-बन्‍सानिमी। गुकुलाई ओराम ल्‍वाडा आच्‍छाङा थो़र लु़डाम बु।

१ कोरिन्थी 1:2

ओराम सेलाखाजेम कोरिन्‍थ शहरडा बाट्‌पा माम्‍चु़नीकु मण्‍डलीडा बाट्‍पामिमलाई र्‍याक्‍तोङा बेउ। गानीलाई माम्‍चु़नीका उनी त्‍वाकु सेपा मु़चु़ दु़म्‍मु लागि येट्‌निमी। ङाचो़ येशू ख्रीष्‍टकु सो़रलोले बेपा खोत्लेथो़म मु़चु़मिमलाई गुमीका सेपा दु़म्‍बेट्‌मिडिम होम्‍साका गानीलाई वो ख्रीष्‍ट येशूलामका सेपा दु़म्बेट्नामिम बु। येशू ङा इनीमा नुङ आकीमा ङाचो़ सो़।

रोमी 15:27

मेर्मिमका उनी त्‍वाकु नका ङा खउलुङ ग्‍वाम्‍डिम बाइडा। आच्‍छाङा मेर्मिमका यहूदी थो़रलु़पामिमलाई ख्‍लो़मु बासिक्‍पा वो सो़, हेङालोने मेर्मिमलाम ङा वाङसामामिमका वो माम्‍चु़नीलाम सेल्‍सिक्‍पा दिदाम ल्‍वाम्‍डिम बाइडा।

रोमी 11:17

कोङनिम यहूदीमिम जो़पा जैतूनकु दक्‍सालाम फल्‍मामा घ्रोक्‍मा ग्रेम होप्‍माम बुमी। लावो गानी वाङसामामिम ने सो़ब्‍दीडाम जैतून होप्‍माम लोवो जो़पा जैतूनकु ग्रेमडा केप्‍साका कोले ङा दु़म्‍निम बु। आथा ने गानी कोलेङा दक्‍साकु फारलामका यु़म नुङ त्‍वारो़म ल्‍वानी।

रोमी 9:24

गुमीका येसाड्‍डामिम ने गुइ ङा सो़। गुमीका यहूदीमिमलाई कोङङा मेयेट्‌मिवा लावो वाङसामागोडाम मु़चु़मिमलाई वो येट्‌मिडी।

यूहन्‍ना 20:27

मेम्‍मा गुमीका थोमालाई र्‍वाम्‍डी, “इमा ब्रेप्‍चो आसिन्‍डा फिका, मा आमा ल्‍वा रेप्‍डा। इमा ल्‍वा फिडामा आमा फेटफेटगोनो फिका। इमा नडा मेमुर्सा, थो़रलु़या।”

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

१ पत्रुस 3:5

आरेसाकाङा माम्‍चु़नीकु नङका सान्‍सिक्‍पा माकेम मेसेममिमका वो माम्‍चु़नीलाम हाम-हुम ल्‍वापा न बेसाका उनी त्‍वापलाई जो़प्‍सीमा बनेबेम्‍डी। मेम्‍मा उनी वोचु़कु साखामगोडा बाम्‍डी।

हिब्रू 9:11

येशू ङादोङा रोमु दु़स्‍तु़म जो़पा ल्‍वामिमकु डु़म्‍लाचो़ दु़म्‍साका रोम्‍डिम बु। मेम्‍मा गुमी सेपा नुङ खोमडाम डोक्‍पु डु़म्‍लाचो़ सो़। उहेम सेपा खोम ओराम सुबुडा प्रङ्‌सिड्‌डाम मिबु मा मु़चु़कु ल्‍वाका बनेबेम्‍मा वो मेएँ।

हिब्रू 6:20

इकीमा लागि येशू गुइडाम ङादोङा मेराम बायडा लमु दु़म्‍मिडिम बु। मल्‍कीसेदेक डु़म्‍लाचो़ होप्‍मामङा गुमी हेल्‍लो लोवो दु़म्‍पाम बाट्‌पा डोक्‍पु डु़म्‍लाचो़ दु़म्‍मिडिम बु।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

१ कोरिन्थी 10:17

गुइ सेर्पा लोवो खोत्‍लेका कोलेङा सो़बेम दो़स्‍तीमा पिइडिमका गुइ खोत्‍ले कोलेङा मिरो़म र्‍वाक्‍पा रेम्‍बु़।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

२ कोरिन्‍थी 9:13

गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

हिब्रू 7:28

मोशाकु डु़म्‍लाका ने छु़ल बोमु चापा मु़चु़ बाइडा लोवो डोक्‍पु डु़म्‍लाचो़ थुड्‌डु़। लावो मोशाका डु़म्‍ला ग्‍वाक्‍तु़मिम चङ्‌डा माम्‍चु़नीका कसम पेसाका र्‍वाम्‍डिम सिजेमका हेल्‍लो लोवो दु़म्‍पाम बाट्‌पा मा खोत्‍ले बोमु चापा उनीमा तारापाचो़ येशूलाई डोक्‍पु डु़म्‍लाचो़ थुट्‌मिडी।

हिब्रू 9:15

माम्‍चु़नीका याचे जेम्‍डिम हेल्‍लो लोवो दु़म्‍पा जिवामिम गुमीका थुट्‌मिडिम मु़चु़मिमकाङा ल्‍वामिनु़ र्‍वाक्‍साका येशू ख्रीष्‍टका माम्‍चु़नीलाममिम लाले सो़रख्रेप्‍सी मु़चु़मिमगोडा रेट्‌मिडिम बु। ङादोम सो़रख्रेप्‍सी बाइडाम थारीका बेम्‍डिम छु़ललामका मु़चु़मिम सेल्‍सिमु ल्‍वामिनु़ र्‍वाक्‍साका ङाचो़ येशू सिम्‍डिम बु।

हिब्रू 10:19

मेम्‍मिमका वा-ल्‍वाकनी, येशूकु सिसिलाम खोत्‍लेडाम सेपा खोमगोनो गुइ मेङिसाका हुमु चाप्‍सी।

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।