हिब्रू 2:9 - थुलुङ राई

⁹ लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

हिब्रू 2:9 Referans Kwoze

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।

रोमी 5:18

हेसाका कोले मु़चु़कु छु़लका खोत्‍ले मु़चु़मिमका सिमु बासिक्‍पा देन्‍दे ल्‍वाम्‍डी, मेराम होम्‍साकाङा कोले मु़चु़का माम्‍चु़नीकु ङादोडा जो़पा खारी बेसाका मुमा मान्‍थिम दु़म्‍बेसाका त्‍वारो़म रेड्‍डु़।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

२ कोरिन्‍थी 5:15

गुमी खोत्लेकाम लागि सिम्डी। मेम्‍मिमका लाले त्‍वारो़म ल्‍वापामिमका आथाडा आनो त्वाकाम लागि मेएँ, लावो ख्रीष्‍टकाम लागि नु़मु बासी, गुमी मेर्मिमकाम लागि सिम्‍डी मा सिमुलाम बम्‍गेम्‍डिम।

हिब्रू 10:5

मेम्‍मिमका ख्रीष्‍ट सु़म्‍दिसेरडा योम्‍डिलो माम्‍चु़नीलाई आरे र्‍वाम्‍डिम बाइडा, “ग्‍वा-ग्‍वा नुङ सासेसी गानी न मेबेनिवा, लावो आमा लागि गानी कोले मिरो़म बनेबेन्‍निम बु।

रोमी 5:8

लावो माम्‍चु़नीका उनीमा रिखाम गुइडला आरेसाका रेम्‍बेम्‍डी, गुइ छु़लचो़ बाइडिलोङा येशू ख्रीष्‍ट इकीमा लागि सिम्‍डी।

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

यूहन्‍ना 12:32

लावो गो सुबुलामका कोङसिङुमा खोत्‍ले मु़चु़लाई आमाडा रेट्‌पुमी।”

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

हिब्रू 8:3

माम्‍चु़नीलाई ग्‍वा-ग्‍वा नुङ सासेसी ग्‍वामु लागि खोत्‍ले डोक्‍पु डु़म्‍लाचो़ थुसिट्‌मिडिम दु़म। मेम्‍मिमका इकीमा डोक्‍पु डु़म्‍लाचो़का वो माम्‍चु़नीलाई हाम-हुम ग्‍वामु बासी।

१ तिमोथी 2:6

खोत्‍ले मु़चु़मिमका देन्‍दे ल्‍वामुडाम फ्‍वामुकु थि सोमु लागि येशू ख्रीष्‍ट उनी त्‍वापङा सासेन्‍सिम्‍डी। खोत्‍ले मु़चु़ सेल्‍सिमिनु़ र्‍वाक्‍पा न बेपा माम्‍चु़नीका येशू ख्रीष्‍ट क्रूसडा चेसिक्‍साका सिमु ग्‍वाम्‍डिम ल्‍वाका रेम्‍बु़। मेराम माम्‍चु़नीका र्‍वाम्‍डिम थारीका दु़स्‍ता।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

यूहन्‍ना 10:17

आमा पापका गोलाई रिखाम बोङिमी हेङालोने गो त्‍वापलाई सासेट्‌पु, मा चङडा आथावो नु़मु चापु।

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

रेम्‍बेट्‌मिडिम ल्‍वा 19:12

उनीमा मिक्‍सी मुकु भुल्‍मु होप्‍माम बाइडा मा उनीमा बुइडला सेर्पा मुकुटमिम बाम्‍डी। गुमीडा कोले नङ र्‍याक्‍मा बाइडा, मेराम गुमी उनी त्‍वापडाम वाङमिम सु़का वो मेच।

हिब्रू 2:7

गानी गुलाई घरिकोङकाम लागि पाह्रीचो़मिमडाम याक्‍के दु़म्‍बेट्‍नी। गुलाई यु़म झ्‍वाक्‍सी नुङ डोक्‍पु मिम्‍सीकु मुकुट खुसिबेट्‌नी।

लूका 9:27

आच्‍छाङा गो गानीलाई र्‍वाङु, आसिन्‍डा येम्‍सिक्‍पामिमगोडाम कोङ-कोङका माम्‍चु़नीकु किब्‍दी मेल्‍वाथु़म उनी साम मेल।”

मर्कूस 9:1

मेकोतिमा गुमीका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, आसि येम्‍तासिट्‌पामिमडाम याङ-याङका माम्‍चु़नीकु किब्‍दी यु़मनुङ योक्‍पा मेल्‍वाथु़म उनीमा साम मेल।”

मत्ती 6:28

“मेम्‍मा ये-सेमकाम लागि हेङा मिम्‍ताम-सो़र्ताम बोनी? सो़ब्‍दीडाम लिली बुङमामिम हेसाका बर्मी, मेराम रेप्‍नी। मेर्मिमका ब्राम्‍दु़ल्‍वा मेबोमी, उनीमा ये-सेम मेफिर्मी।

यूहन्‍ना 8:51

आच्‍छाङा गो गानीलाई र्‍वाङु, कोङनिम मु़चु़ आमा सिजेम होम्‍साका दोस्‍ता माला मेराम मु़चु़ हेल्‍लो वो मेसि।”

हिब्रू 1:9

गानी मु़चु़मिमका जो़पा खारी बोमु द्‌वानी मा मेजो़पा खारी बोमु मेद्‌वानी। मेम्‍मिमका माम्‍चु़नी, इनी माम्‍चु़नीका गानीलाई इनी ङोप्‍सो़मिमडाम हापा डोक्‍पु मिम्‍साका गेर्सिबेट्‌नी।”

हिब्रू 11:5

थो़रकाङा हनोकका सिमुलाम लु़मेलेसाका माम्‍चु़नीकाला लसिड्‌डा, मा सु़का वो गुलाई मेडार्मिवा, हेङालोने माम्‍चु़नीका गुलाई लम्‍डिम बाइडा। गु लसिमु ङादो माम्‍चु़नीलाई गेर्सी बेट्‌पा गु कोले बाइडा र्‍वाक्‍साका माम्‍चु़नीकु सिजेम र्‍वा।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।