हिब्रू 2:4 - थुलुङ राई

⁴ माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।

हिब्रू 2:4 Referans Kwoze

थु़र्मा 14:3

मेसिन्‍डा पावल नुङ बारनाबास येशूकु दुथाममिम सिजेम मेङिसाका जेत्तो हापा ङा बाच्‍ची। मेम्‍मा येशूका मेर्चिपलाई उनीमा यु़म ग्‍वाम्‍डी। मेलामका हेल्‍लो वो मेल्‍वामिवाम खारीमिम नुङ छेखोपमिमका मेर्चिपका जेच्‍चिम दिदामकु सिजेम आच्‍छाङा र्‍वाक्‍पा रेम्‍बेम्‍डी।

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

मर्कूस 16:20

मेकोतिमा मे सीसिपामिम खोत्‍लेथो़ लम्‍डिमा मु़चु़मिमलाई जो़पा-सेला थो़बेन्‍मु चो़म्‍मिडी। मेकोतिलो माम्‍चु़नीका वो मेर्मिमनुङ दु़म्‍साका खारी बोमु चो़म्‍मिडी, मा छेखोपका मेराम ल्‍वा आच्‍छाङा रेछा र्‍वाक्‍पा रेम्‍बेम्‍डी। आमेन]

यूहन्‍ना 4:48

येशूका मेरामलाई र्‍वाम्‍डी, “हेल्‍लो वो मेल्‍वानिवाम छेखोपमिम नुङ यु़मखारीमिम मेल्‍वाथु़मसम्‍म गानी हेल्‍लो वो थो़र मेबोनी।”

यूहन्‍ना 15:26

“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

मर्कूस 6:14

हेरोद हपका येशूकु दुथाम थो़स्‍तु़, हेङालोने उनीमा नङ खोत्‍लेथो़ फोन्‍स्‍ताम बाइडा। मेम्‍लोका कोङ-कोङका र्‍वाम्‍डी, “ओ ने कु-रु़दु़म ग्‍वाक्‍पा यूहन्‍ना डे सिमुलाम बक्‍गेड्‌डाम रोओ, मा डे आरेप्माम यु़म-खारी बु़।”

थु़र्मा 5:32

गुकु ओर्मिम खोत्‍ले ल्‍वा आकी मिक्‍सीका ङा ल्‍वात्तोकोम बु, मा गुमीका र्‍वामिमिम थो़पामिमलाई माम्‍चु़नीका ग्‍वाम्‍डिम उनी पेलका वो मेराम सो़मी।”

एफिसी 4:7

लावो ख्रीष्‍टका गुइ त्‍वाप त्‍वापलाई हापा खालकाम खारी बेपा यु़म उनीमा मुलु़ होम्‍साका ग्‍वाक्‍साड्‌डामिम बु।

हिब्रू 6:4

माम्‍चु़नीलाम ओल ल्‍वापामिम, माम्‍चु़नीलाममिम राप्‍लावा दो़पामिम, माम्‍चु़नी-पेल ल्‍वापामिम,